Garðabær opinn allan sólarhringinn
Frá því í desember 2008 hefur Hagkaup í Skeifunni verið opið allan sólarhringinn og hafa viðskiptavinir tekið þeirri nýbreytni afar vel. Fjöldi fólks, sem t.d. vinnur vaktavinnu, kann vel að meta að geta verslað þegar því hentar. Í kjölfar óska frá viðskiptavinum hefur nú verið ákveðið að auka enn þjónustuna og vegna þess verður Hagkaup í Garðabæ opið allan sólarhringinn frá og með 5. mars. Opnun stórmarkaða af þessari stærðargráðu allan sólarhringinn hefur mælst vel fyrir hjá viðskiptavinum og hafa móttökur verið framar björtustu vonum.
Með þessari auknu þjónustu í Garðabæ munu viðskiptavinir geta nálgast gott vöruval Hagkaups í matvöru og sérvöru allan sólahringinn á tveimur stöðum á höfuðborgarsvæðinu og skiptir þá engu hvort viðskiptavini vanhagar um snyrtivörur, sokka, sápu eða salt.
Hagkaup er leiðandi á íslenskum smásölumarkaði og býður mesta úrval hérlendis í sérvöru og matvöru. Hjá fyrirtækinu starfa 850 manns í tíu verslunum um land allt sem dag hvern leggja sig alla fram um að uppfylla væntingar viðskiptavina um eina ferð, betra verð.