22. Mars 2024

Vöfflujárn á tilboði

Í tilefni af alþjóðlega vöffludeginum sem er 25. mars verðum við með 20% afslátt af öllum vöfflujárnum 21.-28. mars í Hagkaup og því upplagt að smella í gómsætt vöfflukaffi með þeim sem þér þykir vænt um.

Við hvetjum ykkur til að kíkja í verslanir okkar og skoða glæsilegt úrval af vöfflujárnum þessa tilboðsdaga. Þú getur búið til girnilegar belgískar vöfflur með vöfflujárninu frá Aviken og tekur það bara 2 mínútur að baka hverja vöfflu.

Hér að neðan er uppskrift af vöfflum með vanillurjóma og karmelliseruðum pekanhnetum, en allt í uppskriftina, meðlæti og vöfflujárnin sjálf fást hjá okkur í Hagkaup.

Uppskrift:
4 egg
400 ml súrmjólk
300 g hveiti
1 tsk matarsódi
2 msk sykur
1/2 tsk salt
2 tsk vanilludropar
4 msk smjör, brætt

Aðferð:
1. Þeytið egg og súrmjólk saman.
2. Blandið þurrefnum saman í skál, bætið eggjablöndunni og smjörinu saman við og hrærið vel saman.
3. Hitið smá smjör í vöfflujárninu og steikið hverja vöfflu í nokkrar mínútur. Berið fram með vanillurjóma, sultu og karamelliseruðum pekanhnetum.

Karamelliseraðar pekanhnetur
1 poki pekanhnetur
50 g sykur
1 msk smjör
rjómi, magn eftir smekk

Aðferð:
1. Bræðið sykur á pönnu.
2. Þegar sykurinn er uppleystur bætið þið smjörinu út á pönnuna og hrærið í. Saxið hneturnar og setjið út á pönnuna, steikið í 1 – 2 mínútur. Hellið rjóma út á blönduna og hrærið aðeins saman.

Vanillurjómi
250 ml rjómi
2 tsk vanillusykur

Aðferð:
Setjið rjóma og sykur í skál og þeytið þar til rjóminn er orðinn léttþeyttur.