Leita að "betty crocker"
Sýni niðurstöður fyrir „beauty crocker“
Engar vörur fundust
Engar vörur fundust.
- Amerískir dagar í Hagkaup12. Október 2023, Það er loksins komið að þeim - Amerískir dagar! Þeir verða í verslunum Hagkaups dagana 12.-22. október. Á Amerískum dögum eru allskonar skemmtilegar vörur frá Ameríku í búðunum okkar og margar amerískar vörur sem eru almennt í úrvali á tilboði., Brot af þeim frábæru vörum sem verða í boði á Amerískum dögum nammi, snakk, kökur, bakstursvörur, gos, ís, kex og svo margt annað., Sem dæmi um nammi sem er í boði má nefna allskonar tegundir af sour patch kids, Skittles, Rese‘s Penutbutter cups, Hersey‘s Kisses, Nerds og Laffy Taffy., Það verða einnig í sölu súkkulaðidropar og sýróp frá Hersey‘s en það getur verið gott að eiga þær vörur til fyrir jólabaksturinn sem nálgast., Dæmi um vinsæl vörumerki sem verða á tilboði hjá okkur eru Betty Crocker, Ben & Jerry‘s, Atlanta Cheescake Factory, Barbie og Oreo. Þar að auki verða frábær tilboð af amerískum kleinuhringjum og kanilsnúðum í Bakaríi Hagkaups þessa daga., Kjúklingavængir verða í góðu úrvali ásamt frábæru úrvaldi af BBQ sósum í ýmsum útfærslum og vinsælu kryddunum frá Badia. Til þess að toppa matarboðið fáum við til okkar þrjár nýjar steikur úr íslensku nautakjöti Picanha, Diamond file og Bullet muscle., Picanha er bragðgóð steik og þarf einungis að nota salt sem krydd, en auðvitað hægt að marenera og græja að eigin höfði. Góð á grillið! Hún er komin á top 5 lista yfir vinsælustu steikur í USA., Diamond file er gómsæt steik úr framhrygg og er hægt að grilla eða nota í flesta rétti., Bullet muscle er svo endinn af nautafile sem er nýtt sem góð steik í USA og nú í Hagkup., Við tökum fagnandi á móti ykkur á Amerískum dögum í Hagkaup.Meiri upplýsingar
- Kökupinnar á hvolfi13. Apríl 2026, Berglind sem er með bloggsíðuna Gotteri í gersemar segir að kökupinnar séu eitt það allra besta. Vanillu-kökupinnar séu hennar uppáhald en súkkulaði komi fast á eftir. Þessa kökupinna gerði hún fyrir afmælisveislu og eru þeir bæði einstaklega góðir og fallega vorlegir á litinn., Kökumixið sem hún notar segir hún vera mjög líkt vanillumixinu, en að hægt sé að nota sömu uppskrift eða aðferð með hvaða Betty-mixi sem er. Hún notar alltaf vanillukremið, hvort sem hún notar súkkulaði-, vanillu- eða gulrótarmix, og segir að súkkulaðihjúpurinn geti einnig verið sá sami. Það er líka hægt að dýfa súkkulaðikúlum í suðusúkkulaði kem kemur líka mjög vel út., Kúlurnar sjálfar, 1 x Betty Crocker Rainbow Chip Party kökumix 3 egg 90 ml ljós matarolía 180 ml vatn ½ Royal vanillubúðingur 2/3 dós Betty Crocker Vanilla Frosting, Hitið ofninn í 160 °C. Setjið egg, olíu og vatn í hrærivélarskálina og bætið regnboga kökumixinu saman við, blandið vel. Bætið að lokum Royal búðing (duftinu) saman við og hrærið létt. Spreyið skúffukökuform vel að innan með matarolíuspreyi, hellið deiginu þar í og bakið í um 25 mínútur eða þar til prjónn kemur út með smá kökumylsu á endanum, ekki blautu deigi. Kælið kökuna alveg og myljið hana síðan fínt niður í stóra skál., Blandið Vanilla Frosting saman við og „hnoðið“ saman þar til deigið verður nægilega blautt í sér til að hægt sé að rúlla í kúlur án þess að í henni séu sprungur. Varist þó að setja of mikið krem því ef þær verða of linar í sér er erfitt að dýfa þeim í hjúpinn (meiri líkur þær detti af prikinu)., Best finnst mér að vigta um 25 g af kökublöndu fyrir hverja kúlu og raða þeim þétt á disk/bakka. Blandan ætti að ná um 40 kúlum, plastið þær næst vel og geymið í kæli í að minnsta kosti 3 klukkustundir áður en þið dýfið í hjúpinn. Oftast geri ég kúlurnar deginum áður og dýfi næsta dag. Einnig má frysta kúlurnar á þessum tímapunkti en þá er mikilvægt að plasta þær vel og leyfa þeim að þiðna í ísskáp. Ekki er gott að dýfa frosnum kúlum, aðeins köldum (meiri líkur á því hjúpurinn springi)., Hjúpur og skreyting, Litaður súkkulaðihjúpur í þeim lit sem þið óskið ykkur. 20 stk pappaprik í þeim lit sem þið óskið ykkur. Kökuskraut og sykurblóm til að skreyta með., Bræðið súkkulaðihjúpinn með því að setja hann í um 20 sekúndur í senn á meðalháan hita í örbylgjuofninn, hrærið á milli. Þegar hjúpurinn er bráðinn og silkimjúkur má hann standa stutta stund svo hann sé ekki of heitur þegar þið byrjið að dýfa köldum kúlunum (meiri líkur á sprungum). Klippið pappaprikin í tvennt og fjölgið þeim þannig í 40 stk., Hefjist handa við að dýfa kúlunum. Best finnst mér að taka aðeins 4-5 kúlur úr kælinum í senn því það er best að hafa þær kaldar/stífar þegar þeim er dýft í súkkulaðið. Dýfið um 1 cm af prikinu fyrst ofan í, þvínæst í miðja kúluna (c.a hálfa leið í gegn), kúlunni allri ofan í hjúpinn og örlítið upp á pinnann og snúið henni síðan strax aftur upp í móti (til að hún detti síður af pinnanum) og byrjið að slá á höndina sem heldur á pinnanum til að súkkulaðið renni af. Snúið aðeins prikinu til að slá ekki alltaf í sömu átt og gott er að halda í prikið nálægt kúlunni sjálfri til að það sé betri stöðugleiki. Þegar súkkulaðið er hætt að renna af má leggja hana á hvolf á bökunarpappír og halda stutta stund við prikið til að tryggja það vísi beint upp., Skreytið næst með kökuskrauti og sykurblómi ef þess er óskað. Tryggið að súkkulaðið sé alveg storknað áður en þið færið kökupinnana eitthvað til/þéttið þá saman á disk/bakka fyrir kælingu. Geymið vel plastað í kæli í allt að viku (bestir finnst mér þeir ef þeirra er notið innan 4-5 daga)., Nokkrir punktar/ráð um kökupinnagerð, Hér var ég með 3 x mismunandi liti (3 x 340 g) og svo smá hvítan hjúp til viðbótar til að lýsa suma litina svo það má leika sér með þetta eins og hentar., Litaður súkkulaðihjúpur er misjafn, stundum hef ég þynnt slíkt súkkulaðið með ljósri matarolíu en þið ættuð að finna þetta um leið og þið byrjið að dýfa kúlunum. Ef hann er það þykkur að súkkulaðið rennur erfiðlega af eða storknar ójafnt gæti verið ráð að setja eins og 1-2 msk. af ljósri matarolíu saman við og hræra vel, bæta síðan við meiru ef þurfa þykir og hita í um 10 sekúndur til viðbótar eftir að þið blandið olíunni saman við og hræra vel aftur., Auðveldara er að gera kökupinna á hvolfi því þá er hægt að leggja þá á hvolf á bökunarpappír en ef þið viljið þeir snúi upp er gott að hafa prikin í fullri lengd og hafa kork/annað slíkt við höndina þar sem hægt er að stinga pinnunum í á meðan súkkulaðið klárar að storkna og þið skreytið. Gott er að setja kökuskrautið á þegar kúlan er nánast búin að taka sig því ef því er hellt ofan í of blautan hjúp sekkur það alveg inn í hann og verður ekki eins fallegt. Geymið í kæli í vel plöstuðu/lokuðu íláti í allt að eina viku fyrir bestu gæði (þeir geymast alveg aðeins lengur en það meira að segja en verða ekki eins góðir að mínu mati)., Einnig má frysta tilbúna kökupinna líkt og kúlurnar sjálfar. Þá finnst mér best að leggja þá á pappír og hafa pappír á milli laga (ekki stafla þó meira en 2 lög). Plasta síðan mjög vel og affrysta í kæli í þessum umbúðum til að þeir „svitni“ ekki of mikið að utan. Talað er um að frysta megi þá í allt að 3 mánuði svo það er hægt að vinna sér í haginn með þessu móti. Oftast frysti ég aðeins kúlurnar í nokkrar vikur og dýfi síðan nokkrum dögum fyrir veislu, þá dugar að geyma þá í kæli.Meiri upplýsingar