Um Hagkaup

Hagkaup var stofnað árið 1959 og starfaði fyrstu árin aðeins sem póstverslun. Fyrsta verslunin var opnuð við Miklatorg í Reykjavík árið 1967. Árið 1970 opnaði Hagkaup fyrsta stórmarkað sinn í Skeifunni, þar sem verslunin er starfrækt enn þann dag í dag.

Hagkaup er leiðandi smásölufyrirtæki sem býður breitt úrval af vörum til daglegra þarfa í matvöru, fatnaði, snyrtivöru, húsbúnaði og tómstundavöru. Hagkaup leggur sérstaka áherslu á þjónustu og gott aðgengi að vörum og kappkostað er við að gera verslunarferðina fyrir viðskiptavininn eins ánægjulega og hagkvæma og mögulegt er. Í matvörudeild eru um 8.000-10.000 vöruliðir og í sérvöru telja þeir um 30.000, að tekju tilliti til árstíðabundinnar vöru.

Eftir efnahagshrunið 2008 breyttust þarfir og forgangsröðun viðskiptavinanna frá því sem verið hafði síðustu árin þar á undan. Til að mæta þeim þörfum hefur Hagkaup gert breytingar í vöruúrvali auk þess að lengja opnunartíma. Hvorutveggja hefur mælst vel fyrir hjá viðskiptavinum og reynst hagkvæm breyting fyrir Hagkaup. Þrjár Hagkaupsverslanir eru nú opnar allan sólarhringinn. Hagkaup býður sama verð í öllum verslunum sínum.

Hagkaup rekur ellefu verslanir, en sjö þeirra eru á höfuðborgarsvæðinu. Hagkaup rekur einnig Stórkaup, sem er birgðaheildverslun fyrir mötuneyti, skip, veitingastaði og söluturna. Hjá Hagkaupi starfa 700-750 starfsmenn í tæplega 500 stöðugildum. Framkvæmdastjóri Hagkaups er Gunnar Ingi Sigurðsson.

Skrifstofur Hagkaups eru til húsa í Holtagörðum (norðanmegin) og eru þær opnar daglega frá kl. 9-17. Aðalnúmer Hagkaups er
563-5000.