Vöruskil og skipti

Hagkaup hvetur viðskiptavini sína til að kynna sér þau réttindi sem þeir hafa sem viðskiptavinir fyrirtækisins. Neðar á þessari síðu geta viðskiptavinir kynnt sér þá skilmála er varða vöruskil og vöruskipti. Hagkaup kappkostar að rækja skyldur sína við viðskiptavini af kostgæfni á öllum stundum og leita allra leiða til að bæta þjónustu. Því eru allar ábendingar um það sem betur má fara vel þegnar, en að sama skapi er líka hagnýtt að fá að vita þegar eitthvað er vel gert.

Reglur um vöruskil
Hægt er að skila:

• Fatnaði
• Sérvöru, t.d. leikföngum og búsáhöldum

Ekki er hægt að skila:

• Nærfatnaði og sokkum
• Sokkabuxum þar sem innsigli er rofið
• Snyrtivörum þar sem innsigli er rofið
• Ferskvöru
• Hreinlætisvöru
• Útsöluvöru

Skilafrestur er einn mánuður. Kassakvittun er skilyrði fyrir vöruskilum. Hafi viðskiptavinur ekki kassakvittun, en viðkomandi vara er greinilega keypt í Hagkaupi og er enn til sölu í versluninni, getur viðskiptavinur fengið inneignarnótu. Hagkaup óskar eftir framvísun persónuskilríkja með mynd þegar kassakvittun liggur ekki fyrir.
Ávallt er gefin út inneignarnóta á nafn þegar vöru er skilað.

Gallaðar vörur
Skilafrestur er eitt ár frá kaupum. Hægt er að skila vöru sé um vörugalla að ræða. Kassakvittun er skilyrði fyrir vöruskilum. Hafi viðskiptavinur ekki kassakvittun, en viðkomandi vara er greinilega keypt í Hagkaupi og er enn til sölu í versluninni, getur viðskiptavinur fengið inneignarnótu. Hagkaup óska eftir framvísun persónuskilríkja með mynd þegar kassakvittun liggur ekki fyrir.

• Ávallt er gefin út inneignarnóta á nafn þegar vöru er skilað.
• Ávallt er boðin viðgerð á gallaðri vöru, ef því verður komið við.
• Ef ekki fæst nákvæmlega eins vara ógölluð fær viðskiptavinur vöruna endurgreidda.

Upphæð inneignarnótu eða endurgreiðslu
Upphæð inneignarnótu eða endurgreiðslu skal vera það verð sem kemur fram á kassakvittun. Liggi kassakvittun ekki fyrir skal upphæð inneignarnótu eða endurgreiðslu vera það verð sem gildir í versluninni þann dag sem skil eiga sér stað.