Skilareglur

reglur um vöruskil

Hagkaup kappkostar að rækja skyldur sína við viðskiptavini af kostgæfni á öllum stundum og leita allra leiða til að bæta þjónustu. Því eru allar ábendingar um það sem betur má fara vel þegnar. Neðar á þessari síðu geta viðskiptavinir kynnt sér þá skilmála er varða vöruskil og vöruskipti.

Reglur um vöruskil
Hægt er að skila:

  • Fatnaði og sérvöru (t.d. leikföngum, búsáhöldum og snyrtivörum þar sem innsigli hefur ekki verið rofið)

Ekki er hægt að skila:

  • Nærfatnaði, sokkum, sokkabuxum þar sem innsigli er rofið, snyrtivörum þar sem innsigli er rofið, matvöru, hreinlætisvöru og útsöluvöru.

Kassakvittun er skilyrði fyrir vöruskilum, en á því eru þó veittar ákveðnar undantekningar í þeim tilgangi að bæta þjónustu við viðskiptavini okkar.

  • Hafi viðskiptavinur ekki kassakvittun, en viðkomandi vara er greinilega keypt í Hagkaup og er enn til sölu í versluninni, þá getur viðskiptavinur fengið inneignarnótu gegn framvísun persónuskilríkja.
  • Hafi viðskiptavinur hinsvegar kassakvittun fyrir kaupunum, þá býðst honum að fá inneignarnótu án þess að farið sé fram á framvísun persónuskilríkja. Viðskiptavinir sem eiga inneignarnótu skráða á kennitölu sína geta síðar endurheimt hana ef hún skyldi glatast, gegn framvísun persónuskilríkja.
  • Skilamiði jafngildir kassakvittun og sömu skilareglur gilda þar um. Athugið að skilamiðar eru einungis í notkun um og yfir jól ár hvert og á þeim kann að vera tekin fram dagsetning um gildistíma (getur verið mismunandi eftir vörutegundum).

Ath. aðeins er tekið við skilavörum á milli 10:00 og 20:00

Gallaðar vörur
Skilafrestur á gölluðum vörum er eitt ár frá kaupum. Hægt er að skila vöru sé um vörugalla að ræða. Kassakvittun (eða skilamiði) er skilyrði fyrir vöruskilum. Hafi viðskiptavinur ekki kassakvittun, en viðkomandi vara er greinilega keypt í Hagkaup og er enn til sölu í versluninni, getur viðskiptavinur fengið inneignarnótu gegn framvísun persónuskilríkja.
Ávallt er boðin viðgerð á gallaðri vöru, ef því verður komið við. Ef ekki fæst nákvæmlega eins vara ógölluð fær viðskiptavinur vöruna endurgreidda.

Upphæð inneignarnótu
Upphæð inneignarnótu (eða endurgreiðslu þegar það á við) skal vera það verð sem kemur fram á kassakvittun. Liggi kassakvittun ekki fyrir skal upphæðin vera það verð sem gildir í versluninni þann dag sem skil eiga sér stað.

Inneignanóta gildir í 2 ár frá útgáfudegi.