Fíasól er níu ára gamall hugmyndaflugmaður og flækjuhaus sem býr í Grænalundi í Grasabæ. Hér fáum við af henni splunkunýjar fréttir. Hún lendir til dæmis í lygilegu sjóræningjarugli, heldur upp á tækjalausa daginn og fer í endalausa útilegu.

Sem fyrr sér Halldór Baldursson um myndrænu útfærsluna á ævintýrum Fíusólar en eins og fyrri bækurnar er sú nýja ríkulega myndskreytt og afar aðgengileg fyrir byrjendur í lestri.

Íslenskir krakkar hafa tvívegis sæmt bækurnar um Fíusól Bókaverðlaunum barnanna.