10. Ágúst 2023
Regnbogabollakökur Sylvíu Haukdal
Sylvía Haukdal deilir hér með okkur uppskrift af gómsætum og litríkum regnbogabollakökum sem er tilvalið að baka fyrir helgina.
- 265 g Kornax hveiti
- 2 tsk lyftiduft
- 1/2 tsk salt
- 170 g smjör
- 300 g sykur
- 1 tsk vanilludropar
- 260 g eggjahvítur
- 200 ml súrmjólk
- 45 ml olía
- Matarlitur Rauður, blár, grænn, gulur, fjólublár, appelsínugulur
Aðferð:
- Við byrjum á því að stilla ofninn á 175°(viftu).
- Næst setjum við smjör (við stofuhita) og sykur saman í hrærivélaskál og þeytum þar til verður ljóst og létt.
- Svo fara eggjahvíturnar rólega saman við, lítið í einu.
- Næst hærum við 1/3 af þurrefnunum saman við blönduna.
- Svo hrærum við 1/2 af blautefnunum (mjólk, olíu og vanilludropum) saman við.
- Þá hrærum við næsta 1/3 af þurrefnunum saman við.
- Síðan restinni af blautefnunum.
- Að lokum fer síðasti skammturinn af þurrefnunum. Gott er að hræra degið ekki of mikið en samt nóg til þess að allt sé komið saman.
- Skiptum deiginu í 6 hluta og litum í regnbogalitum.
- Næst setjum við deigið í um það bil 2/3 af bollakökuforminu (verða 12-15 stk) , sem eru þá ein um það bil teskeið af hverjum lit í eitt form.
- Bökum við 175°í 20-25 mínútur eða þar til pinni kemur hreinn upp úr kökunni.
Krem:
- 300 g smjör (við stofuhita)
- 300 g flórsykur
- 100 ml rjómi
- 50 ml heitt vatn
- 3 msk Joe & Seph's Saltkaramella
Aðferð:
- Við byrjum á því að þeyta smjörið þar til það verður ljóst og létt.
- Næst bætum við flórsykri og rjóma saman við og höldum áfram að þeyta í 3-4 mínútur.
- Að lokum setjum við heitt vatn og saltkaramellu saman við og þeytum þar til við fáum létta og fallega áferð á kremið.
- Síðast en ekki síst sprautum við kremi á bollakökurnar og skreytum með litríku kökuskrauti.