Uppskriftir

Nautalund - Wellington

Sveppamauk
2 box sveppir
2 stk portóbellósveppir
3 hvítlauksgeirar (skrældir)
4 skallotlaukar ( skrældir )

Nautalund
800-1000 gr nautalund (fullhreinsuð)
1 plata smjördeig
1 msk dijonsinnep
10 sneiðar af hráskinku
sjávarsalt
svartur pipar úr kvörn
ólífuolía
1 stk eggjarauða

Nautalund
800-1000 gr nautalund (fullhreinsuð)
1 plata smjördeig
1 msk dijonsinnep
10 sneiðar af hráskinku
sjávarsalt
svartur pipar úr kvörn
ólífuolía
1 stk eggjarauða



Sveppamaukið: Setjið sveppina, portóbellósveppina, hvítlaukinn og skallotlaukinn í matvinnsluvél og vinnið saman í ca. 20 sek eða þar til allt er orðið smátt skorið. Hitið pönnu og setjið blönduna á þurra pönnuna og steikið þar
til vökvinn er farinn úr þeim og þeir eru farnir að gyllast. Setjið blönduna inn í
kæli í 30 mín.

Nautalund:
Hitið pönnu með ólífuolíu á og brúnið nautalundina allan hringinn. Penslið hana með dijonsinnepinu og kryddið með saltinu og piparnum. Leggið plastfilmu á eldhúsborðið sem er 40 x40 cm, gott er að leggja nokkrar filmur saman til að ná þessari stærð. Raðið hráskinkunni á plastfilmuna þannig að hún sé nógu stór til að hjúpa lundina. Smyrjið sveppamaukinu þétt yfir hráskinkuna og setjið svo nautalundina inn í miðjuna. Hjúpið nautalundina með skinkunni og sveppamaukinu með því að leggja plastfilmuna varlega yfir nautalundina og rúlla svo plastinu þéttingsfast utan um hana. Setjið rúlluna inn í ísskáp í 30 mín.

Á meðan takið þið smjördeigið og fletjið það út með kefli í stærð sem nær utan um lundina. Takið rúlluna út úr kælinum, setjið á mitt smjördeigið og hjúpið rúlluna með smjördeiginu. Lokið rúllunni í báða enda með smjördeiginu og setjið hana á bökunarplötu með smjörpappír á og passið að samskeytin á smjördeiginu séu undir rúllunni.
Penslið rúlluna með eggjarauðunni, skerið grunnar rendur í deigið með bakinu á litlum hníf – ath. ekki skera í gegnum deigið! Saltið vel yfir deigið og setjið inn í 200°C heitan ofninn í 25-30 mín eða þar til rúllan hefur náð 50°C í kjarnhita. Takið út úr ofninum og látið hvíla í 10-15 min.