Uppskriftir

SÆT KARTÖFLUSÚPA MEÐ KRYDDUÐUM GRASKERSFRÆJUM

1½ msk smjör
2 stk skalottlaukar, saxaðir
1 tsk engifer, rifið
2 stk hvítlauksrif
1 tsk karrí
1 kg sætar kartöflur, afhýddar
og skornar í 2 cm þykka kubba
1 stk grænmetiskraftsteningur
800 ml vatn
60 ml appelsínusafi
salt og nýmalaður pipar
sýrður rjómi 10%

Bræðið smjörið í potti við meðalhita. Steikið laukinn þar til hann er orðinn mjúkur í gegn. Bætið engifer, hvítlauk, karrí og kartöflum saman við og steikið þar til kartöflurnar verða mjúkar (u.þ.b. 6–8 mínútur). Bætið vatninu og grænmetiskraftinum saman við og látið malla í 20 mínútur og kælið stutta stund. Setjið súpuna í matvinnsluvél eða maukið með töfrasprota og bætið appelsínusafanum út í og hitið aftur upp að suðu. Kryddið með salti og pipar. Berið fram með sýrðum rjóma og krydduðum graskersfræjum.