Uppskriftir

Spaghetti Bolognese

1 msk ólífuolía
1 stk laukur, saxaður
3 stk sellerístilkar
1 stk gulrót, söxuð
4 stk hvítlauksrif, pressuð
500 g nautahakk
200 ml hvítvín
200 ml léttmjólk
4 msk tómatkraftur
1 dós hakkaðir tómatar
¼ tsk chiliflögur
1½ tsk oreganó krydd
salt og nýmalaður pipar
¼ tsk múskat
400 g heilhveiti spaghetti
40 g rifinn parmesanostur
handfylli fersk söxuð steinselja



Hitið olíuna í meðalheitum potti og steikið laukinn þar til hann verður mjúkur í gegn. Bætið sellerí, gulrótum og hvítlauk saman við og steikið áfram í 4–5 mínútur. Bætið hakkinu saman við og brúnið. Hellið hvítvíninu og mjólkinni saman við ásamt tómatkraftinum, tómötum, chiliflögum og oreganóinu og látið malla í 30 mínútur. Kryddið sósuna með salti, pipar og múskati og látið malla áfram á meðan pastað er soðið samkvæmt leiðbeiningum á umbúðum. Sigtið vatnið frá pastanu og setjið á disk, hellið sósu yfir og stráið steinselju og parmesanosti yfir.