Uppskriftir

SPAGHETTI CARBONARA­

250 g beikonsneiðar
150 g parmesan
6 stk eggjarauður
1 stk kjúklingakraftsteningur
4 msk matreiðslurjómi
1 msk smjör
2 stk hvítlauksrif, pressuð
400 g heilhveitispaghetti
1½ msk ólífuolía
nýmalaður pipar
handfylli af ferskri steinselju, söxuð



Hitið ofninn í 200°C. Raðið beikonsneiðunum á smjörpappírsklædda ofnplötu. Bakið beikonið í 25 mínútur eða þar til það er orðið stökkt. Klippið eða skerið beikonið niður og skellið því aftur í ofninn í 5 mínútur. Rífið niður parmesanostinn. Léttþeytið saman eggjarauðurnar, rjómann og helminginn af parmesanostinum. Hitið vatn að suðu og bætið ólífuolíunni út í ásamt smá salti og sjóðið pastað „al dente”. Sigtið vatnið frá því. Bræðið smjörið í pottinum og léttsteikið hvítlaukinn. Bætið beikoninu út í ásamt spaghettíinu og hrærið. Færið pottinn af hellunni og hrærið eggjablönduna saman við spaghettíið. Setjið spaghettíið á fjóra diska, stráið parmesanosti og steinselju yfir og kryddið létti­lega með pipar.