Uppskriftir

TAGLIATELLE MEÐ PARMESAN­KJÚKLINGI

600 g kjúklingalundir
50 g heilhveiti
salt og pipar
1½ msk ólífuolía
2 stk hvítlauksrif, söxuð
1 stk laukur, saxaður
100 ml rauðvín
3 dósir hakkaðir tómatar
2 msk tómatmauk
2 msk balsamikgljái
30 g parmesanostur, rifinn
400 g tagliatelle, helst heilhveiti
25 g fersk basilika, söxuð


Kryddið hveitið með salti og pipar. Hitið olíuna á pönnu. Veltið lundunum upp úr hveitinu og steikið þær á pönnunni í 1–2 mínútur á hvorri hlið. Notið sömu pönnu til að steikja hvítlaukinn og laukinn þar til þeir verða mjúkir í gegn, hellið þá rauðvíninu yfir og látið það malla í mínútu. Bætið tómötunum og tómatmaukinu út í ásamt balsamikgljáanum og látið malla í 20 mínútur. Hellið sósunni í eldfast form og raðið kjúklingalundunum ofan á. Stráið parmesanostinum yfir og bakið við 180°C í 20 mínútur. Sjóðið spaghettíið samkvæmt leiðbeiningum á pakkningu. Setjið spaghettíið á disk, sósuna og kjúklinginn yfir og stráið basilikunni yfir.