2. Október 2026

Bleik miðnæturopnun í Hagkaup Smáralind

Það var sannkölluð bleik veisla í Hagkaup Smáralind á miðnætuopnun verslunarmiðstöðvarinnar fimmtudaginn 1. október. Bleiki liturinn var í aðalhlutverki í tengslum við Bleiku slaufuna og mikið um dýrðir í snyrtivörudeildinni þar sem gestir nutu ráðgjafar, nýjunga og góðra veitinga.

Söfnum saman fyrir Bleiku slaufuna
Í tilefni Bleiku slaufunnar hefur Hagkaup sett af stað árlega söfnun sína fyrir Krabbameinsfélagið. Viðskiptavinum býðst að leggja 500 kr. til söfnunarinnar þegar greitt er í sjálfsafgreiðslukössum Hagkaups og mun Hagkaup leggja til upphæð á móti.

Hagkaup hefur um árabil stutt við Bleiku slaufuna og selt slaufuna í verslunum sínum. Með söfnuninni viljum við gefa viðskiptavinum okkar einfalt tækifæri til að leggja þessu mikilvæga málefni lið.

Too Faced fagnað í Hagkaup
Það var sérstaklega mikið um að vera í snyrtivörudeildinni þar sem komu Too Faced í Hagkaup var fagnað. Vörumerkið hefur fengið frábærar viðtökur frá því það kom í verslanir okkar og vakti sérstakur Too Faced Charm Bar mikla lukku meðal gesta á miðnætuopnuninni.

Förðunarfræðingarnir Elín Reynisdóttir og Ragnheiður Júlíusdóttir voru á staðnum og veittu viðskiptavinum ráðgjöf ásamt fjölmörgum öðrum fagaðilum frá birgjum Hagkaups.

Bleikar makkarónur og Kylie-búbblur settu svo punktinn yfir i-ið á einstaklega skemmtilegu kvöldi þar sem snyrtivörur, upplifun og bleik stemning réðu ríkjum.

Við þökkum öllum sem komu og fögnuðu með okkur fyrir frábært kvöld í Hagkaup Smáralind. 💗