27. Júlí 2026

Bolli tók þessa parmesansósu með til Barcelona

Sigurður Reynaldsson, framkvæmdastjóri Hagkaups, tók á móti Bolla Má Bjarnasyni, útvarpsmanni og uppistandara, á pallinum heima hjá sér þar sem þeir ræddu einfaldar grilllausnir fyrir sumarið. Smelltu hér til að sjá myndband.

Á grillið fóru klassískar íslenskar lambakótelettur sem unnar eru úr lundarhluta hryggjarins. Að sögn Sigurðar henta þær vel fyrir þá sem vilja hafa matargerðina einfalda, hvort sem er heima við eða í útilegunni.

„Þetta er meira kjöt og aðeins lundarhlutinn. Það þarf í raun bara að setja kóteletturnar á grillið í sjö til átta mínútur á hvorri hlið og snúa þeim einu sinni,“ segir Sigurður.

Þegar þú vilt slá í gegn í útilegunni
Hann bendir á að auðvelt sé að taka með sér einn pakka af kótelettum í útileguna ásamt tilbúnu meðlæti og þannig útbúa fljótlega og einfalda máltíð.

„Ef þú vilt slá í gegn í útilegunni þarf þetta ekki að vera flókið. Kóteletturnar verða stökkar að utan og safaríkar að innan og það eina sem þarf að gera er að snúa þeim einu sinni.“

„Parmesansósan er sturluð“
Með kjötinu prófuðu þeir einnig úrval af sósum. Bolli Már sagðist sérstaklega hrifinn af parmesansósunni.

„Parmesansósan er sturluð. Mér fannst hún svo góð að ég tók hana með mér í handfarangri til Barcelona og gaf vini mínum,“ segir Bolli Már.

Nota 24 mánaða ost í sósuna
Sigurður segir söguna á bak við sósuna skipta máli. Í hana sé notaður Parmigiano Reggiano, 24 mánaða gamall ítalskur ostur sem rifinn sé beint út í sósuna.

„Það skilar sér í ríkulegu bragði. Maður finnur það strax þegar sósan er smökkuð,“ segir hann.

„Sérvalið er ekki bara á umbúðunum“
Vörurnar eru merktar sérvalið og að sögn Sigurðar er sú merking notuð um vörur sem hafi verið sérstaklega valdar með gæði, útlit og bragð að leiðarljósi.

„Sérvalið er ekki bara skrifað á umbúðirnar til málamynda. Liturinn á kjötinu á að vera réttur, gæðin góð og sósan að passa vel með. Hér eru engin óþarfa aukaefni og markmiðið er að gera fólki auðvelt að útbúa góða máltíð.“

Boðskapurinn er einfaldur: Með góðu hráefni, réttu meðlæti og stuttum tíma á grillinu þarf sumarmáltíðin ekki að vera flókin.

Frétt af matarvef mbl.is