28. September 2026

BY Harpa Kára förðunarburstar komnir í Hagkaup

Góð förðun byrjar á góðum verkfærum. Nýju BY Harpa Kára förðunarburstarnir eru nú komnir í verslanir Hagkaups. Faglegir, mjúkir og fjölhæfir burstar sem henta jafnt byrjendum, förðunaráhugafólki og fagfólki.

Á bak við BY Harpa Kára stendur Harpa Káradóttir, förðunarfræðingur og eigandi Makeup Studio, sem hefur starfað í förðunargeiranum í tvo áratugi. Á ferlinum hefur Harpa meðal annars sérhæft sig í förðunarkennslu og lagt mikla áherslu á fagmennsku, nákvæmni og persónulega nálgun.

Þessi mikla reynsla og ástríða fyrir faginu skilar sér nú í BY Harpa Kára förðunarburstunum, línu sem er hugsuð fyrir alla sem vilja góð og vönduð verkfæri í snyrtibudduna.

Verkfærin eru grunnurinn að góðri förðun
Það skiptir máli hvaða verkfæri eru notuð þegar kemur að förðun. Rétti burstinn getur auðveldað ásetningu, hjálpað til við blöndun og skipt sköpum þegar kemur að lokaáferðinni.

BY Harpa Kára burstarnir eru úr vegan hárum og eru einstaklega mjúkir og þægilegir í notkun. Línan samanstendur af fjölbreyttu úrvali bursta fyrir bæði andlit og augu,  allt frá fíngerðum nákvæmnisburstum yfir í mjúka púður- og farðabursta.

Tilbúin sett fyrir snyrtibudduna
Fyrir þau sem vilja byggja upp burstasafnið sitt á einfaldan hátt eru BY Harpa Kára burstarnir nú fáanlegir í settum.

Eye Set inniheldur úrval bursta fyrir augnförðun, frá nákvæmnisvinnu yfir í blöndun og augnskugga.

Face Set sameinar lykilbursta fyrir húðina, meðal annars fyrir hyljara, skyggingar, farða og púður.

Í Luxe Face Set má síðan finna úrval andlitsbursta ásamt ferðasvampi og þríhyrndum púðursvampi, sett fyrir þau sem vilja hafa fjölhæf verkfæri við höndina þegar kemur að grunnförðun.

Förðun sem vinnur með þér
Hugmyndafræðin á bak við BY Harpa Kára snýst ekki aðeins um verkfærin heldur líka nálgunina á förðun. Fyrir Hörpu snýst góð förðun um að draga fram það sem gerir okkur sérstök og leyfa hverjum og einum að finna sína eigin leið.

„Það eru engin boð og bönn þegar kemur að förðun.“
Hvort sem þú ert að stíga þín fyrstu skref í förðun eða hefur árum saman átt fullt burstasafn er markmiðið það sama: góð verkfæri sem hjálpa þér að skapa þá förðun sem þér líður best með.