29. Apríl 2026

Danskir dagar í 32 ár!

Danskir dagar hafa í gegnum árin orðið að skemmtilegri hefð hjá okkur í Hagkaup og viðskiptavinir okkar hafa sannarlega tekið vel við þessum dögum og við siglum nú inn í þrítugasta og annað árið okkar með ljúffengar vörur frá Danmörku í aðalhlutverki!

Það er mikil tilhlökkun sem fylgir þessum dögum og þeir verða bara stærri og fjölbreyttari á ári hverju. Við höfum tekið eftir því að viðskiptavinir okkar kunna vel að meta að geta keypt vörur sem við erum ekki með í sölu allan ársins hring og það býr til einstaka upplifun þegar hillurnar fyllast af dönskum kræsingum, klassískum áleggjum, kæfum, svínarifjum og flödebollum svo dæmi séu tekin sem skapa þessa einstöku stemningu sem margir bíða eftir ár hvert.

Smurbrauðin skipa þar sérstakan sess og í ár kynnum við glænýja tegund sem við erum sérstaklega spennt fyrir, smurbrauð með kjúklingasalati, beikoni og smjörsteiktum sveppum. Virkilega bragðmikil nýjung sem við hvetjum alla til að smakka. Smurbrauðin má finna í öllum verslunum Hagkaups og einnig bendum við á smurbrauðsbakkana okkar í veisluþjónustu Hagkaups, Veisluréttum.

Danskir dagar í ár eru þó enn áhugaverðari þar sem við höfum nýverið hafið samstarf við Salling Group, stærsta smásölufyrirtæki í Danmörku. Með því opnast ný tækifæri til að bjóða upp á enn meira úrval af gæðavörum á samkeppnishæfu verði og viðskiptavinir munu finna fyrir því í auknu úrvali og betra verði þvert á vöruflokka. Sérstaklega hlökkum við til að efla lífræna úrvalið okkar, þar sem ØKO línan mun bæta við hundruðum nýrra lífrænna vara sem gera það enn aðgengilegra fyrir viðskiptavini að velja slíkar vörur.

En það eru ekki bara nýjungarnar sem gera þessa daga spennandi. Við bjóðum einnig upp á vegleg tilboð af dönskum sérvörum þar sem margir af vinsælustu vöruflokkunum fá að njóta sín. Þar má meðal annars nefna snyrtivörur frá GOSH og Derma, sem og leikföng og skapandi vörur á borð við LEGO og HAMA perlur. Þetta er því kjörið tækifæri til að gera góð kaup samhliða því að prófa eitthvað nýtt og njóta þess að fá danska stemningu beint í æð.

Verið öll hjartanlega velkomin á danska daga í Hagkaup dagana 30.apríl – 10.maí.