3. Júní 2026

Dior Backstage fagnað með glæsilegum viðburði

Mikil gleði ríkti í Reykjavík Makeup School síðastliðinn föstudag þegar Artica og Hagkaup héldu Dior Backstage viðburð í tilefni af komu línunnar til Íslands. Línan verður fáanleg í Hagkaup Smáralind og Kringlu frá og með 4. júní og hefur hennar verið beðið með mikilli eftirvæntingu.

Vel var mætt á viðburðinn, þar á meðal áhrifavaldar, förðunarfræðingar og starfsfólk Artica og Hagkaups. Meðal gesta voru Embla Wigum, Ragnheiður Júlíusdóttir, Fanney Dóra og Helga Magga sem fengu tækifæri til að kynnast línunni og prófa vörurnar áður en þær fara í sölu hér á landi.

Förðunarfræðingurinn Ingunn Sigurðardóttir sá um sýnikennslu þar sem hún fór yfir helstu vörur Dior Backstage og deildi ráðum um hvernig má nota þær til að skapa frísklega og ljómandi förðun. Eftir sýnikennsluna nutu gestir léttra veitinga, skáluðu í freyðivíni og fögnuðu því að þessi eftirsótta lína sé loksins á leiðinni í Hagkaup.

Tilkoma Dior Backstage til Íslands markar spennandi tímamót fyrir Dior unnendur enda hefur lengi verið beðið eftir þessari vinsælu línu. Nú er biðin loks á enda.