9. Október 2026

Ekta ítalskt spaghetti með chili, hvítlauk og stracciatella

Það er ítölsk stemning í Hagkaup þessa dagana. Helga Gabríela sótti sér alls konar gúrmei hráefni og skellti í þetta einfalda spaghetti með chili-hvítlaukssmjöri, tómötum, basilíku og geggjuðum stracciatella. Smelltu hér til að sjá myndband.

Fyrir 4-5 manns:
500 g Filotea Spaghettoni Ultra
1 askja kirsuberjatómatar
75 g smjör
3 hvítlauksrif, fínsöxuð
½–1 tsk chiliflögur
1 tsk kjúklingakraftur
Lúka af basilíku, fínsöxuð
Grana Padano Riserva, eftir smekk
Sori Stracciatella, eftir smekk
1–2 dl pastavatn
Guglielmi Puglia Extra Virgin Olive Oil
Salt og pipar

Mýkið hvítlauk og chili í smjörinu við vægan hita. Bætið tómötunum við og látið malla þar til þeir eru mjúkir. Hrærið basilíku og kjúklingakrafti saman við.

Sjóðið spaghettíið og geymið smá pastavatn. Setjið pastað á pönnuna ásamt rifnum Grana Padano og skvettu af pastavatni. Veltið vel saman og bætið við vatni eftir þörfum. Smakkið til með salti og pipar.

Toppið með stracciatella og dreypið smá ólífuolíu yfir. Njótið!