4. Júní 2026

Rakel María með góð ráð um snyrtivörur og förðun

Rakel María deilir hér með okkur góðum ráðum um snyrtivörur og förðun. Smelltu hér til að sjá myndband.

Ef þér finnst farðinn verða flekkóttur á húðinni, þá getur verið sniðugt að setja farðann fyrst á handabakið, taka burstann og hita farðann upp á handabakinu og dreifa honum svo vel um burstann. Nota svo burstann til að "dúmpa" farðanum á húðina.

Þegar eyeliner er settur á augun, er gott að taka brúnan augnskugga og skáskorinn bursta, nota spegil, horfa niður og nota neðri votlínuna til að leiðbeina hvar við viljum setja augnskuggann, leggja burstann á og draga inn á mitt augnlok og aðeins út fyrir augað í léttum hreyfingum. Þá ertu kominn með mjúkan vængjaðan eyeliner.

Þegar þú ætlar að nota augabrúnagel er lykilatriði að byrja á að setja gelið á móti augabrúnahárunum og greiða augabrúnirnar niður áður en þú byrjar móta þær. Þá hefuru dreift augabrúnagelinu vel í öll hárin og þær haldast vel uppgreiddar allan daginn.

Svo þegar þú setur á þig kinnarlit og ert búin að setja hann efst á kinnbeinin, er ótrúlega fallegt að setja smá á efst á nefbroddinn, þá fær maður sólkysst og hraustlegt útlit.

Þegar þú ert að fara að gera varirnar tilbúnar og langar að fá smá meiri fyllingu í þær, þá er sniðugt að taka skyggingarlit og lítinn bursta og setja smá skugga í miðjuna undir neðri vörina, það platar augað og þú ert strax komin mað auka fyllingu í varirnar.

Svo notar maður varablýantinn til að ramma inn varirnar og þá er í lagi að setja vel af honum á inná á þær, síðan setur maður varalitinn yfir varablýantinn og er auka ráð að ef maður vill fá enn meiri fyllingu í varirnar, að setja highlighter á fingurinn og "dúmpa" honum yfir varirnar. Þá er maður kominn með extra djúsí varir!