31. Ágúst 2026

Grillaður hot honey kjúklingur með feta- og jógúrtkremi

Helga Gabríela skellti í þennan einfalda, djúsí og góða kjúklingarétt. Hún notaði úrbeinuð kjúklingalæri og kryddaði þau með papriku, hvítlauksdufti, laukdufti, kúmeni, salti og pipar + smá ólífuolíu. Smelltu hér til að sjá myndband.

Uppskrift fyrir 4

Kjúklingur
700-800 g úrbeinuð kjúklingalæri
2 msk ólífuolía
2 tsk paprikuduft
1 tsk hvítlauksduft
1 tsk laukduft
1 tsk kúmen
Salt og pipar eftir smekk

Blandið ólífuolíu, hvítlauk, paprikudufti, reyktri papriku, salti og pipar saman og veltið kjúklingnum upp úr. Gott er að leyfa honum að marinerast í að minnsta kosti 30 mínútur.

Hot honey
3 msk hunang
1–2 tsk Tabasco Sriracha

Hrærið hunangi og Tabasco Sriracha saman.

Feta- og jógúrtkrem
150 g fetakubbur
150 g grísk jógúrt
1 msk ólífuolía
½ sítróna, safi og smá rifinn börkur
1 tsk hunang
Svartur pipar

Maukið allt saman með töfrasprota eða í matvinnsluvél þar til kremið er mjúkt og kekkjalaust. Smakkið til með sítrónu, salti og pipar.

Meðlæti
Stonefire Naan eða annað gott flatbrauð.
Ferskur kóríander
Sítrónubátar

Aðferð
Grillið kjúklinginn á vel heitu grilli þar til hann er fallega brúnaður og fulleldaður. Penslið hot honey yfir kjúklinginn og snúið honum nokkrum sinnum svo hunangið karamelliserist án þess að brenna.

Smyrjið feta- og jógúrtkreminu á fat, leggið grillaða kjúklinginn yfir og toppið með smá hot honey. Berið fram með grilluðu naanbrauði, ferskum kóríander og sítrónu.