8. Júlí 2026

Hagkaup leitar að Grillmeistara sumarsins

Grilltímabilið er hafið af fullum krafti og í sumar ætlar Hagkaup að efla grillstemninguna um allt land með skemmtilegri samfélagsmiðlakeppni þar sem leitað verður að Grillmeistara sumarsins.

Í allt sumar munu Hagkaup, ásamt frábærum samstarfsaðilum sínum, deila fjölbreyttu grillefni á samfélagsmiðlum, allt frá girnilegum uppskriftum og góðum ráðum yfir í skemmtilega stemningu við grillið. Um leið eru landsmenn hvattir til að taka þátt og sýna sitt grillsumar.

Það þarf ekki að vera fullkomið til að taka þátt. Við viljum sjá allt sem gerir íslenskt grillsumar sérstakt, geggjaðar uppskriftir, fjölskyldustundir, skemmtileg grilltrikk, óvænt grillklúður eða einfaldlega góða stemningu í kringum grillið.

„Við viljum hvetja landsmenn til að njóta sumarsins saman. Grillið hefur þann einstaka eiginleika að safna fólki saman og skapa góðar minningar. Við hlökkum til að sjá fjölbreytt og skemmtilegt efni víðs vegar að af landinu og finna okkar Grillmeistara sumarsins,“ segir Eva Laufey Hermannsdóttir, markaðs- og upplifunarstjóri Hagkaups.

Svona tekur þú þátt:
Það eina sem þarf að gera er að birta myndband á Instagram, Facebook eða TikTok og merkja Hagkaup.

Myndbandið getur verið:
- Girnileg grilluppskrift.
- Skemmtileg grillstemning.
- Góð grillráð eða trikk.
- Grillmistök sem allir geta hlegið að.
- Eða einfaldlega augnablik sem fangar íslenskt grillsumar.

Keppnin stendur yfir til 30. júlí.

Glæsileg verðlaun
Einn heppinn þátttakandi verður valinn Grillmeistari sumarsins og hlýtur vegleg verðlaun:
- Char-Broil grill.
- 150.000 króna gjafabréf í Hagkaup.
- Glæsilega grillveislukörfu með öllu sem þarf til að halda alvöru grillveislu.

Hagkaup hvetur alla landsmenn til að kveikja í grillinu, njóta sumarsins og deila sínum bestu grillaugnablikum.