13. Júlí 2026

Hrefna Sætran lét draum Bolla rætast

„Draumar geta svo sannarlega ræst. Hér er ég með bókina Grillréttir Hagkaups, sem kom mér á bragðið á sínum tíma, og hefur kennt mér allt sem ég kann á grillinu,“ segir Bolli Már Bjarnason, útvarpsmaður og uppistandari, í nýju kynningarmyndbandi frá Hagkaup.

Í myndbandinu heimsækir Bolli Hrefnu Sætran, sem skrifaði bókina árið 2012, og saman ætla þau að grilla rib-eye-steik í garðinum hennar. Bolli leynir því ekki að rib-eye sé í miklu uppáhaldi hjá sér þegar kemur að grillmat.

Stemningin er létt og skemmtileg og á einum tímapunkti spyr Hrefna Bolla hvort hann ætli ekki að kenna henni að grilla steikina.

„Nei, alls ekki. Ég hef ekki skrifað matreiðslubók, þannig að það er betra að þú kennir mér,“ svarar Bolli og brosir. 

Lumar á nokkrum góðum ráðum
Hrefna fer yfir nokkur mikilvæg atriði sem gott er að hafa í huga þegar grilla á kjöt. Hún segir algengt að fólk klúðri meðhöndlun kjötsafans.

„Eitt sem fólk klúðrar oft þegar það er að grilla snýr að kjötsafanum. Það er mikilvægt að þerra kjötið vel svo vatn leki ekki af því á grillið,“ segir Hrefna.

Hún lumar einnig á ráði sem vekur athygli Bolla.

„Í stað þess að pensla kjötið með olíu má pensla það með majónesi. Þá myndast betri steikingarhjúpur,“ útskýrir hún.

Hrefna mælir með því að grilla kjötið í nokkrar mínútur á hvorri hlið og leyfa því síðan að hvíla í um átta mínútur áður en það er borið fram. Á meðan megi snúa sér að grænmetinu og öðru meðlæti. 

Gott að vera hundur heima hjá Hrefnu
Hundarnir hennar Hrefnu setja líka skemmtilegan svip á myndbandið, enda fá þeir stundum að narta í fituna þegar grillað er.

„Það væri gott að vera hundur heima hjá Hrefnu Sætran,“ segir Bolli. 

Þegar kemur að meðlætinu notar Hrefna m.a. íslenskt pak choi, sem á uppruna sinn að rekja til Kína og hefur verið ræktað þar í um 1.500 ár. Að hennar sögn er það milt á bragðið með örlitlum piparkeim og hentar afar vel á grillið.

„Það eina sem þarf að gera er að salta það og grilla,“ segir hún.

Þrjár sósur komnar í Hagkaup
Sósan fær einnig sitt pláss í myndbandinu.

„Ég er svo mikill sósumaður,“ segir Bolli og bætir við: „Og hér erum við með þína sósu: Reykt chili bernaissósa sem er nú komin í allar verslanir Hagkaups.“

„Þetta er sósa sem mér finnst passa með ótrúlega mörgu, eiginlega öllu. En mér finnst að við þurfum ekki alltaf að gera sósuna frá grunni. Þar sem það er í mörg horn að líta þegar grilluð er góð máltíð,“ segir Hrefna og bætir við að á markaðinn hafi hún komið nýverið með þrjár sósur. Hinar tvær séu Yuzu jalapeno og Bbq anís sósa. 

Mælir með öllum sósunum í suma rétti
„Með pylsum og hamborgurum mæli ég meira að segja með því að prófa allar sósurnar saman,“ segir Hrefna.

Í lok myndbandsins smakka þau Bolli og Hrefna á kjötinu og meðlætinu, sem virðist slá algjörlega í gegn, ekki aðeins hjá þeim sjálfum, heldur einnig hjá hundunum tveimur sem setja svo sannarlega skemmtilegan punkt yfir i-ið.