26. Júní 2025

Grilluð humarloka og toma­hawk steik

Ísak Aron Jó­hanns­son fyr­irliði ís­lenska kokka­landsliðsins er gest­ur Sjafn­ar Þórðardótt­ur, í þætt­in­um Log­andi ljúf­fengt, að þessu sinni. Ísak er líka í veislu­teym­inu hjá Múlakaffi og hef­ur galdrað fram ófá­ar veisl­urn­ar þar sem mat­ur­inn er í for­grunni. Allar matvörurnar fást hjá okkur í Hagkaup.

Ísak grill­ar kanadísk­an hum­ar og út­býr girni­leg­ar humar­lok­ur með eplasal­ati sem stein­liggja í næsta grillpartí. Síðan býður Ísak upp á grillaða John Stones toma­hawk-steik, grillað jalapeno chili ásamt kart­öflu, lauk og græn­kálssal­ati með kú­reka­smjöri.

Humar­loka með græn­um eplasal­ati með sýrðum rjóma og dilli
4 stk. kanadísk­ur hum­ar, fros­inn
Olía eft­ir smekk
200 g smjör
Salt eft­ir smekk
Pip­ar­rót, rif­inn, eft­ir smekk
4 stk. kart­öflupylsu­brauð
Dill topp­ar

Aðferð:
Byrjið á því að láta humar­inn þiðna, það get­ur tekið 1-2 klukku­stund­ir. Takið humar­inn úr skel­inni og fjar­lægið svörtu rönd­ina (skítarönd­ina). Þerrið humar­inn og setjið til hliðar. Setjið skelj­arn­ar af humr­in­um í pott og steikið með olíu þar til þær verða rauðar og fal­leg­ar. Bætið þá smjöri bætt við og leyfið blönd­unni að freyðast. Sigtið skelj­arn­ar frá og setjið smjörið til hliðar. Kveikið á grill­inu og náið háum hita.

Veltið humr­in­um upp úr salti og olíu og grillið á hvorri hliðinni í u.þ.b. 1 ½ mín­útu. Skerið síðan humar­inn í munn­bita og veltið upp úr humars­mjör­inu. Takið síðan til pylsu­brauði og setjið eplasal­atið í (sjá upp­skrift fyr­ir neðan), setjið næst hum­ar­bit­ana ofan, rifið síðan pip­ar­rót yfir eft­ir smekk og bætið að lok­um fersku dilli yfir.

Eplasal­at
1 stk. grænt epli, skorið í mandó­lín, eða þunnt niður með hníf
100 g sýrður rjómi 36%
20 g ferskt dill, skorið fínt

Aðferð:
Blandið öllu hrá­efn­inu vel sam­an í skál og þá er sal­atið til­búið, ekki flókn­ara en það.

Grilluð John Stones k, jalapeno chili ásamt kart­öflu, lauk og græn­kálssal­ati með kú­reka­smjöri
2 stk. John Stones toma­hawk steik­ur
6 stk. jalapeno chili
Olía eft­ir smekk
Salt eft­ir smekk

Aðferð:
Vakúmpakkið toma­hawk steik­un­um í vakúm­poka með olíu og sous vide-ið steik­urn­ar á 56°C hita í 2 klukku­stund­ir. Kveikið í kola­grill­inu og fáið það vel heitt. Saltið og piprið steik­ina og skellið henni á grillið þar til gott „kröst“ á báðar hliðar. Veltið jalapeno chil­inu upp úr salti og olíu og setjið á grillið í nokkr­ar mín­út­ur. Leyfið steik­inni að hvíla í um það bil 5 mín­út­ur eft­ir grill­un, skerið beinið af og steik­ina sjálfa í sneiðar, kryddið með grófu salti og setjið jalapeno yfir.

Kart­öfl­ur, lauk­ur og græn­kálssal­at
16 stk. litl­ar kar­t­ölfur
4 stk. lauk­ar
3 grein­ar græn­kál, rifið gróft
Olía eft­ir smekk
Salt eft­ir smekk

Aðferð:
Veltið kart­öfl­un­um upp úr salti og olíu og setjið inn í ofn við 180°C hita í 45 mín­út­ur. Setjið lauk með hýðinu og rót­inni inn á sama tíma. Leyfið laukn­um að kólna og skerið hann í tvennt og fjar­lægið hýðið, næst er að grilla. Hitið grillið vel, skellið kart­öfl­um og lauk fyrst á og fáið góðan lit. Hér skipt­ir bara máli hversu vel grillað þið viljið hafa þetta. Þegar kart­öfl­ur og lauk­ur eru næst­um því til­bú­in er græn­kál­inu velt upp úr olíu og salti og skellt á grillið í nokkr­ar sek­únd­ur. Setjið þetta allt sam­an í skál og blandið vel.

Kú­reka­smjör
150 g smjör við stofu­hita
1 msk. papriku­duft
1 msk. chilli flög­ur
1 msk. dijon sinn­ep

Aðferð:
Setjið allt sett sam­an í skál og blandið vel sam­an. Setjið síðan ofan á steik­ina meðan hún er heit og leyfið að bráðna.

Smelltu hér til að sjá myndband