5. Desember 2022
Ilmandi jólagjafir
Ilmvötn eru frábærar jólagjafir fyrir fólkið sem þú vilt gleðja í kringum þig. Um jólin fyllast verslanir af allskonar jólagjafaöskum með ilmvötnum og öðrum snyrtivörum og úrvalið því alveg ótrúlega mikið. Ég elska ilmvötn og vinkonur mínar tala um það að baðherbergið mitt líkist ilmvatnsverslun svo ég má til með að deila með ykkur nokkrum af mínum uppáhalds ilmvatns gjafaöskjum fyrir þessi jól.
Prada Paradoxe Eau de Parfum Gjafasett
Glæsilegur ilmur sem er nýr auðkennis ilmur Prada. Léttur og kvenlegur blómailmur sem ég hef algjörlega kolfallið fyrir. Í öskjunni er 50 ml glas af þessum dásamlega ilm ásamt lítilli ferðastærð sem er tilvalið að hafa í veskinu, því við vitum jú aldrei hvenær við þurfum á því að halda að bæta örlítið á ilminn.
Ariana Grande Thank U, Next Eau de Parfum Gjafasett
Skvísu ilmur frá einni aðal skvísunni, Ariana Grande! Ótrúlega léttur og fallegur ilmur með mildum og góðum ávaxtakeim en ilmurinn inniheldur meðal annars hindber, kókos og makkarónur. Flaskan er líka svo sæt í þessu brotna hjarta í hillu! Í gjafapakkningunni er 50 ml flaska af ilmvatninu ásamt ferðastærð, sem eins og ég sagði hér að ofan er ótrúlega hentugt að hafa með sér á ferðinni.
Versace Bright Crystal Eau de Toilette Gjafasett
Þessi klassíski og gullfallegi ilmur sem kom fyrst á markað árið 2006 er algjör snilld í jólapakkann. Ilmurinn inniheldur til dæmis Yuzu, granatepli, musk og amber. Ilmurinn er allt í senn ferskur og sætur en líka dularfullur og seiðandi. Gjafaboxið inniheldur 30ml af ilmvani ásamt 50 ml líkamskremi.
YSL L’Homme Eau de Toilette Holiday Sett
Frábært gjafasett fyrir herrana í þínu lífi. Afsakaplega fallegur og ferskur viðarilmur sem ilmar af bergamot, engifer og vetiver. Glæsilegur ilmur úr smiðju YSL. Gjafakassinn inniheldur 60 ml flösku af ilmvatninu og 50 ml af after-shave balm.
Einn minn uppáhalds herrailmur, svo casual og flottur ilmur. Mjög ferskur ilmur með bergamot, lavender, vetiver olíu og amber. Ferlega kynþokkafullur og skemmtilegur ilmur. Gjafaaskjan inniheldur 50 ml ilmvatnsglas og 50 ml af sturtusápu.
Það má endalaust leika sér í jólagjafakaupum og nóg er úrvalið. Ef þú ert í vanda mæli ég með að kíkja á alla gjafakassana hér.
