9. Október 2026

Fullkomin ítölsk stemning með stracciatella og nýbökuðu brauði

Berglind hjá Gotterí og gersemum langar helst að hafa ítalskt í matinn alla næstu daga, því það er svo mikið af girnilegum ítölskum vörum á Ítölskum dögum í Hagkaup. Hún ákvað að leika sér aðeins með stracciatella kremið ásamt súrdeigs baguette brauðinu úr bakaríinu þeirra og almáttugur hvað útkoman var góð! Smelltu hér til að sjá myndband.

Stracciatella ídýfa
1 box frosið stracciatella krem – affryst
1 box piccolo tómatar
Filotea pestó (grænt)
Ítalía balsamikgljái
Nýbakað súrdeigs snittubrauð
Virgin ólífuolía
Salt, pipar, hvítlauksduft

Hitið ofninn í 195°C. Hellið tómötunum í eldfast mót og hellið ólífuolíu yfir, kryddið eftir smekk. Bakið í um 20 mínútur og leyfið hitanum síðan aðeins að rjúka úr. Skerið brauðið niður í sneiðar, setjið smá virgin olíu yfir og bakið með tómötunum síðustu 3 mínúturnar.

Smyrjið stracciatella kreminu á fat/disk, setjið nokkrar teskeiðar af pestó yfir og næst bökuðu tómatana. Toppið með balsamik gljáa og njótið með baguette brauðsneiðunum.

Bruschettur með straccitella kremi
1 box frosið stracciatella krem – affryst
Nýbakað súrdeigs snittubrauð
Filotea pestó (grænt + rautt)
Salami af svörtu svíni
Hráskinka að eigin vali
Ólífublanda að eigin vali
Virgin ólífuolía
Salt

Skerið brauðið í sneiðar, setjið smá af ólífuolíu og grófu yfir og bakið við 195°C í um 3 mínútur. Toppið með stracciatella kremi, pestó, ólífublöndu og salami eða hráskinku.