6. Október 2026

Ítölsk matarhátíð tekur yfir Hagkaup í október

Einstakt vöruúrval, spennandi nýjungar, ljúffengar uppskriftir og viðburðir verða í forgrunni þegar ítölsk matarhátíð tekur yfir Hagkaup í október. Fjöldi vara hefur verið fluttur sérstaklega inn fyrir hátíðina, þar á meðal vörur sem alla jafna fást ekki á Íslandi, og verður ítölsk matarmenning rauði þráðurinn hjá Hagkaup allan mánuðinn.

Ítölsk matarmenning á sér fáa líka og í október ætlar Hagkaup að færa viðskiptavini sína aðeins nær Ítalíu. Mikil vinna hefur farið í að setja saman fjölbreytt og spennandi úrval sem nær frá klassískum ítölskum vörum yfir í hráefni og sælkeravörur sem sjaldan eða aldrei hafa verið í boði hér á landi.

Einstakar kjötvörur og ítalskir ostar í aðalhlutverki
Ein stærsta sérstaða Ítölsku daganna í ár er úrvalið af ítölskum kjötvörum og ostum. Þar gefst viðskiptavinum tækifæri til að kynnast vörum sem alla jafna er erfitt að nálgast hér á landi og færa ítalska matarupplifun heim í eldhús.

Sérstaka athygli vekja ítalskar kjöt- og sælkeravörur, auk ferskra ítalskra osta á borð við buffalo mozzarella og stracciatella, silkimjúkan og rjómakenndan ost sem margir þekkja sem hjartað í burrata. Þetta eru vörur sem eiga stóran þátt í ítalskri matarmenningu og gefa einstakt tækifæri til að setja saman allt frá einföldu antipasti og sælkeraborði yfir í fullkomna ítalska máltíð.

Þar með er þó aðeins hluti úrvalsins nefndur. Í verslunum má finna fjölbreytt úrval af pasta og fersku pasta, pestó, pastasósum, risotto, úrvals ólífuolíum, ólífum og antipasti, truffluvörum, parmesan, pecorino og öðrum ítölskum ostum ásamt pizzum, gelato, tiramisu, kaffi, sætindum og fjölmörgum öðrum ítölskum sælkeravörum.

„Við leggjum mikla áherslu á að Hagkaup sé staður þar sem fólk getur uppgötvað eitthvað nýtt og fengið innblástur. Ítölsku dagarnir eru frábært dæmi um það. Við erum að bjóða upp á gríðarlega mikið og fjölbreytt úrval og margar vörurnar fást alla jafna ekki hér á landi. Það er sérstaklega gaman að geta komið með brot af þessari einstöku matarmenningu hingað heim og boðið Íslendingum að upplifa hana með okkur. Við viljum að fólk komi inn í verslanirnar, uppgötvi eitthvað sem það hefur ekki séð áður og fái innblástur til að gera eitthvað virkilega gott úr því heima,“ segir Sigurður Reynaldsson, framkvæmdastjóri Hagkaups.

Mikil vinna liggur að baki úrvalinu og hefur verið lögð áhersla á að blanda saman þekktum ítölskum klassíkum og spennandi vörum sem eru síður aðgengilegar á íslenskum markaði.

„Við erum sérstaklega stolt af úrvalinu í ár. Kjötið og sælkeravörurnar eru stór hluti af því og svo er ótrúlega gaman að geta boðið upp á ferskar vörur eins og buffalo mozzarella og stracciatella. Þetta eru vörur sem margir þekkja frá Ítalíu og ferðalögum erlendis en hafa ekki endilega getað gengið að hér heima. Við höfum lagt mikla vinnu í að finna vörur sem okkur finnst raunverulega bæta einhverju nýju við úrvalið og það er gríðarlega gaman að geta nú boðið íslenskum neytendum upp á þessa upplifun,“ segir Vignir Þór Birgisson, vöruflokkastjóri matvöru hjá Hagkaup.

Bragðið af Ítalíu allan október
Ítalska matarhátíðin snýst þó um meira en vöruúrvalið eitt og sér. Allan október verður ítalskur matur rauði þráðurinn hjá Hagkaup, með ljúffengum uppskriftum, innblæstri og hugmyndum sem færa okkur nær Ítalíu.

Haustið er kjörinn tími fyrir ítalska matargerð, ilmandi pastarétti, hægeldaða rétti, nýbakað brauð, góða osta og ríkulegar máltíðir sem kalla á að fólk setjist saman við borðið og njóti.

Ýmsir skemmtilegir viðburðir verða einnig haldnir í tengslum við hátíðina þar sem ítalskur matur, bragð og stemning verða í aðalhlutverki. Nánar verður sagt frá dagskrá og viðburðum á miðlum Hagkaups eftir því sem líður á mánuðinn.

Ítalskir dagar standa yfir allan október í Hagkaup, sannkölluð ítölsk matarhátíð þar sem einstakt úrval, nýjungar, uppskriftir og upplifun koma saman.