16. Júní 2026
Jalapeño Popper Smass borgarar
HM veislan er í hámarki og ef það er ekki tilefni til að skella í þennan djúsí hamborgara þá veit ég ekki hvað! Smelltu hér til að sjá myndband.
Uppskrift fyrir 4 manns
4 x 120 g Smass hamborgarakjöt
4 x hamborgarabrauð
8-12 stökkar beikonsneiðar
Hambó sósa frá Hagkaup
1 poki jalapeño poppers + meira ef þið viljið hafa sem meðlæti
„Burger“ ostur 8 sneiðar
Tómatar, kál, paprika, rauðlaukur
Holy Cow Beef Rub krydd
Sætkartöflufranskar sem meðlæti
Hitið franskar og jalapeño poppers í ofni samkvæmt leiðbeiningum. Undirbúið grænmetið með því að skera það niður. Grillið beikonið og færið á efri grindina. Grillið næst kjötið og kryddið með Holy Cow nautakryddinu.
Hitið brauðin og setjið 2 x ostsneið á hvert kjöt rétt áður en það fer af grillinu og leyfið ostinum aðeins að bráðna. Setjið saman ykkar óska borgara og njótið með frönskum + meira af jalapeño poppers!
