19. Maí 2026
Roast beef Smørrebrød með kjúklingasalati og stökku beikoni
Það er eitthvað svo gott við heimagert smørrebrød með fullt af góðu áleggi og meðlæti. Hér eru uppskriftir að bragðmiklu kjúklingasalati með stökku beikoni, remúlaði og klassísku roast beef, en hægt er að fá sérskorið roast beef í sælkeraborðinu í Hagkaup í Kringlunni.
Kjúklingasalat með stökku beikoni:
Kjúklingabringa
160g beikon
Aspas
1 msk ólífuolía
100g majónes
50g sýrður rjómi 38%
Klípa af karrí
1 msk gróft sinnep
2 msk fínsaxaður graslaukur
2 tsk sítrónusafi
1 tsk hunang
Salt og pipar eftir smekk
Aðferð:
Kryddið og steikið kjúklingabringu þar til hún er fullelduð. Skerið/tætið bringuna niður í smá bita. Leggið smjörpappír á bökunarplötu og raðið beikoninu á plötuna. Stillið ofninn á 200°C og eldið beikonið þar til það er orðið stökkt. Leggið á þerripappír og saxið helminginn af beikoninu niður. Skerið sveppina niður og steikið upp úr smjöri (saltið og piprið). Sigtið vökvann/olíuna frá sveppunum ásamt aspasnum.
Hrærið saman majónesi, sýrðum rjóma, karrí og grófu sinnepi. Bætið út í söxuðu beikoni, graslauk, sveppum og niðurskornum aspas. Smakkið til með salti, pipar, sítrónusafa og hunangi. Restin af beikoninu sem er heilt er notað til að skreyta brauðsneiðina.
Remúlaði með rjómaosti
1 box Philadelphia
150g relish
1 tsk karrí frá Santa Maria
1 tsk agave
Sjávarsalt og pipar
Aðferð
Öllu blandað saman í skál og látið standa inni í kæli í 20 mínútur þar sem remúlaðið fer að „marinerast“ en þannig verður það bragðmeira og betra. Ennþá betra yfir nótt.
Klassískt danskt remúlaði
1 stór gulrót, flysjuð
Lúka af blómkáli
Nokkrar cornichon
1 msk capers
1 tsk karrí
Klípa af turmeric
2 tsk dijon-sinnep
Lítil krukka majónes
Aðferð
Blómkál og gulrót skorin niður og sýrð í sultulegi við vægan hita í potti. Passa þarf að mauksjóða ekki grænmetið, við viljum hafa bit í því. Sigtið vökvann frá og kælið grænmetið.
Fínsaxið/hakkið grænmetið smátt ásamt gúrkum og capers. Þessu er svo blandað saman við majónes ásamt karrí, dijon og turmeric fyrir gula litinn. Saltið og piprið eftir smekk.
Stökkur laukur
Shallotlaukur
Maizena
Olía til að steikja upp úr
Sjávarsalt
Aðferð
Skerið laukinn í þunnar sneiðar (laukhringi). Veltið lauknum upp úr maizena og steikið í 170 gráðu heitri olíu þar til laukurinn er orðinn gullinbrúnn og stökkur. Leggið á þerripappír og saltið.
Samsetning fyrir roast beef smørre
40g roast beef, sneitt
20g remúlaði
20g súrar gúrkur
Steiktur laukur
10g rifin piparrót
Samsetning fyrir roast beef smørre
Smyrjið rúgbrauðssneiðina með smjöri. Raðið roast beef sneiðunum fallega ofan á sneiðina (stundum gott að hafa salatblað undir). Toppið með heimagerðu remúlaði, súrum gúrkum og rífið vel af piparrót yfir.
