27. Júní 2025
Haggahlaupið sló í gegn á krakkadögum í Hagkaup!
Það var líf og fjör í loftinu þegar Hagkaup blés til Haggahlaups um helgina, skemmtilegur viðburður sem sló sannarlega í gegn hjá yngstu kynslóðinni. Hlaupið var haldið í tilefni Krakkadaga, sem standa yfir í öllum verslunum Hagkaups til 29. júní þar sem afslættir og leikgleði eru í aðalhlutverki.
Íþróttaálfurinn sjálfur mætti galvaskur á svæðið og var með hressandi upphitun og skapaði tryllta stemningu með dansi, sprelli og óvæntum uppátækjum sem krakkarnir (og foreldrarnir!) kunnu svo sannarlega að meta.
En Hagkaup lagði ekki bara áherslu á gleði og hreyfingu, heldur einnig á hollustu sem virkar! Nýverið hefur Hagkaup hafið sölu á hinu svokallaða Latarbæjarnammi, fersku grænmeti og ávöxtum. Með þessu framtaki vill Hagkaup stuðla að aukinni neyslu grænmetis og ávaxta meðal barna og efla þannig almenna lýðheilsu þjóðarinnar.
Mætingin í hlaupið var frábær og það var sannarlega mikið fjör í Hagkaup Smáralind. Haggahlaupið sýndi að þegar hreyfing, hollusta og gleði mætast, þá gerist eitthvað alveg sérstaklega töfrandi.
