25. Febrúar 2026
Einstakt og líflegt matreiðslukvöld með Casper Sobczyk í Hagkaup
Þriðjudaginn 24. febrúar var haldið glæsilegt og afar vel heppnað matreiðslunámskeið í Hagkaup þar sem hátt í hundrað gestir komu saman til að upplifa matargerð í heimsklassa. Stemningin var einstaklega góð frá fyrstu mínútu og greinilegt að mikill áhugi var á því að fylgjast með Casper töfra fram rétti allt í beinni í Hagkaup.
Casper sýndi gestum réttu tökin við að elda hina fullkomnu steik, af öryggi og fagmennsku sem endurspeglar reynslu hans á hæsta stigi. Það var virkilega gaman að fylgjast með honum vinna hráefnið af nákvæmni og ástríðu og ekki síður fróðlegt að sjá hvernig hann nýtir sínar eigin pönnur til fulls, sem einmitt eru til sölu í Hagkaup.
Í eftirrétt kom skemmtileg og óvænt útfærsla þar sem Casper djúpsteikti pasta og bar fram með flórsykri og nýlöguðum sítrónusorbet. Þar vakti einnig mikla lukku vinsæla ísvélin hans, sem seldist upp á örfáum dögum í Hagkaup en ný sending er væntanleg á allra næstu dögum.
„Þetta var afar vel heppnað kvöld þar sem hátt í hundrað gestir sóttu námskeið með Casper, sem er einstakur kokkur að okkar mati. Stemningin í versluninni var lífleg og skemmtileg og greinilegt að gestir nutu þess að upplifa matargerð í heimsklassa. Við leggjum mikla áherslu á að halda reglulega svona viðburði, þeir skapa okkur tækifæri til að kynna vandað vöruúrval okkar á lifandi hátt og um leið að veita viðskiptavinum okkar eftirminnilega upplifun,“ segir Eva Laufey Kjaran, markaðs- og upplifunarstjóri Hagkaup.
Kvöldið var því ekki aðeins matreiðslunámskeið heldur heildstæð upplifun þar sem innblástur, bragð, gæði og góð stemning fóru saman. Enn og aftur sýnir Hagkaup hvernig hægt er að færa viðskiptavinum sínum eitthvað umfram hefðbundna verslunarferð og skapa lifandi og eftirminnilega upplifun í daglegu umhverfi.
