3. Mars 2026

Mottumarssokkarnir 2026

Mottumarssokkarnir í ár eru einstaklega litríkir og fallegir. Þeir eru hannaðir af Stefáni Svan Aðalheiðarsyni í Stefánsbúð í samstarfi við grafísku hönnuðina Anton Kaldal og Lindu Loeskow.  Hag­kaup er stolt­ur söluaðili Mottumarssokkana og hvetur alla landsmenn til að styrkja þetta góða og mikilvæga málefni.

Hönnunin byggir á orðunum „Takk fyrir“ sem fléttast saman í lifandi og áberandi mynstri og leturgerð. Í þeim felst þakklæti til samfélagsins alls, en þó sérstaklega til þeirra sem takast á við krabbamein og aðstandenda sem standa þétt við bakið á þeim.

„Ég held að það sé bara mikilvægt að bera þessi skilaboð þakklætis áfram. Því að við þurfum öll á þakklæti að halda, að geta sagt takk fyrir og að fá kannski líka þakkir. Ég held að það sé bara ofsalega mikilvægt,“ segir Stefán.

Mottumarssokkarnir koma í stærðum 36-41 og 42-47 og kosta kr. 3.500. Í ár koma hefðbundnu sokkarnir einnig í barnastærðum sem eru einungis fáanlegar í verslun og vefverslun Krabbameinsfélagsins.

Smelltu hér til að kaupa sokkana