12. Nóvember 2026

Nachos ídýfa með grænmeti

Berglind hjá Gotterí og gersemum deilir hér uppskrift að kaldri nachos ídýfu. Rjómaostur og salsasósa eru hrærð saman í mjúka blöndu og svo kemur ferskt og stökkt grænmeti ofan á. Það þarf hvorki ofn né mikla fyrirhöfn og ídýfan er tilbúin á örfáum mínútum. Einföld, fljótleg og slær alltaf í gegn!

Nachos ídýfa með grænmeti
1 dós rjómaostur (500 g)
1 krukka Tostitos salsasósa (440 g)
1 rauðlaukur
½ iceberg kál
150 g piccolo tómatar
Nokkrir sveppir (má sleppa)
Tostitos flögur að eigin vali

Hrærið saman rjómaost og salsasósu í hrærivélinni þar til þykk bleik blanda myndast. Saxið rauðlaukinn smátt og setjið í botninn á víðu fati/skál. Smyrjið rjómaostablöndunni yfir laukinn. Saxið niður allt grænmeti og dreifið yfir. Gott er að kæla ídýfuna í um klukkustund áður en hennar en notið en ekki nauðsynlegt. Njótið með nachos flögum.