18. Júlí 2026

Nautalund í „Black Garlic“ kryddlegi tilbúin á hálftíma

Í dag skiptir meira máli en oft áður að geta borið fram máltíð sem er bæði glæsileg og fyrirhafnarlítil. Okkur dreymir flest um rétt sem lítur út og bragðast eins og við höfum varið löngum tíma í eldhúsinu og við grillið, en krefst þess í raun ekki. Smelltu hér til að sjá myndband.

Í herferðinni Grillað með Hagkaup fær grillið að njóta sín með réttum sem sameina einfaldleika, gæði og ríkulegt bragð. Þar kemur nautalundin sterk inn; sérvalin og marineruð í Black Garlic kryddlegi sem gefur henni djúpt, fágað og bragðmikið yfirbragð á grillinu. Með piparsósu, stökku smælki og fersku salati verður til máltíð sem sameinar sumarlegt yfirbragð, þægindi og lúxus á þann hátt að hver grillkvöldstund verður að lítilli veislu. 

Það er Berglind Hreiðarsdóttir hjá Gotterí og gersemar sem sýnir okkur handtökin en allt hráefnið fær hún hjá Hagkaup. 

Þess má geta að þar sem grilltímabilið er hafið af fullum krafti ætlar Hagkaup að efla grillstemninguna um allt land með skemmtilegri samfélagsmiðlakeppni þar sem leitað verður að Grillmeistara sumarsins.

Í allt sumar munu Hagkaup, ásamt frábærum samstarfsaðilum sínum, deila fjölbreyttu grillefni á samfélagsmiðlum, allt frá girnilegum uppskriftum og góðum ráðum yfir í skemmtilega stemningu við grillið. Um leið eru landsmenn hvattir til að taka þátt og sýna sitt grillsumar með því að merkja Hagkaup við færslurnar sínar. 

Fyrir 4 - 5 manns
1 „Sérvalin“ nautalund frá Hagkaup í Black Garlic-kryddlegi
2 bakkar af Hagkaupssmælki
1 pk Tasty-piparsósugrunnur, 100 ml rjómi, pipar og 1 msk. rifsberjahlaup
Salat að eigin vali

Aðferð
Byrjið á því að útbúa sósuna samkvæmt leiðbeiningum á pakka, lækkið síðan alveg niður í hitanum og leyfið henni að taka sig á meðan þið grillið kjöt og kartöflur.

Grillið lundina á meðalháum hita þar til kjarnhiti sýnir 52° eða það sem þið óskið. Þegar kjarnhita er náð er mikilvægt að leyfa kjötinu að hvíla í 10-15 mínútur áður en það er skorið.

Grillið kartöflurnar í álbökkunum á sama tíma öðrum megin á grillinu við vægari hita. Hristið reglulega bakkann til að snúa kartöflunum aðeins.

Berið fram með fersku salati og piparsósu.