27. Mars 2026

Nautalund í “black garlic” marineringu

Fullkomin máltíð fyrir páskana eða helgina! Það er eitthvað alveg sérstakt við góða nautalund, mjúk, safarík og full af bragði. Hér fær hún að njóta sín í dásamlegri “black garlic” marineringu sem gefur djúpt, örlítið sætt og einstaklega ríkt bragð.

Nautalundin er grilluð við háan hita þannig að hún fái fallega skorpu en haldist mjúk og safarík að innan. Með henni er borin fram köld bernaise sósa sem er fersk og silkimjúk með léttum sítrónukeim og estragon sem passar fullkomlega með kjötinu.

Sem meðlæti er beikonvafinn aspas sem er bakaður þar til beikonið verður stökkt og síðan toppaður með smá sýrópi og nýmöluðum pipar sem gefur ómótstæðilega blöndu af sætu og kryddi. Með þessu eru klassískar bakaðar kartöflur, bornar fram með smjöri og salti.

Að lokum er ferskt salat að eigin vali sem léttir máltíðina og setur fallegan og frískandi punkt yfir i-ið.

Smelltu hér til að sjá myndband

Njótið vel 💛