Vinsamlegast ath!

Veisluréttir eru uppseldir laugardaginn 15. júní
22. júní er að fyllast og við hvetjum fólk til þess að panta sem fyrst

26. Mars 2024

Kalkúnn um páskana

Við í Hagkaup elskum svo sannarlega tilefni til þess að elda góðan mat, bjóða fólki heim og eiga ljúfar stundir saman. Hjá okkur getur þú keypt heilan kalkún, kalkúnabringur, gómsæt kalkúnaskip og allt meðlæti fyrir páskana.

Hér er uppskrift að smjörsprautuðu kalkúnaskipi sem hefur verið afar vinsælt undanfarin ár í Hagkaup og að sjálfsögðu uppskriftir að meðlæti sem gengur fullkomnlega með kalkúnakjöti. Njótið vel!

Smjörsprautað kalk­úna­skip
1 stk. smjörsprautað kalk­úna­skip Hag­kaups
Olía
Smjör
Salt
Bezt á kalk­ún­inn-krydd

Aðferð:
1. Kalk­úna­skipið er tekið úr pakkn­ing­un­um og þerrað
2. Sett í ofnskúffu og kryddað með salti. Þá er það bakað á 180°C í um það bil 45 mín­út­ur á hvert kg.  

Dijon- og salvíukalk­únasósa
100 g gul­ræt­ur
1 stór lauk­ur
3 hvít­lauks­geir­ar
1 msk. pip­ar­korn
3 grein­ar rós­marín
30 g sal­vía
350 ml hvít­vín
500 ml rjómi
2 msk. gróf­korna dijons­inn­ep
1-2 msk. kalk­únakraft­ur

Aðferð:
1. Gul­ræt­ur, lauk­ur og hvít­lauk­ur skor­in gróft og steikt í potti á meðal­hita með pip­ar­korn­um og rós­marín­grein­um.
2. Þegar lauk­ur­inn er orðinn glær er salvíu og hvít­víni bætt út í og látið sjóða niður um rúm­lega helm­ing.
3. Þá er rjóma hellt sam­an við og soðið aft­ur niður þar til sós­an fer að þykkna aðeins, þá er hún sigtuð. Eft­ir það er sinn­epi og krafti bætt út í.
4. Sós­an er svo smökkuð til og þá hægt að bæta út í meiri krafti eða sinn­epi ef fólk vill.  

Gljáðar gul­ræt­ur og rauðlauk­ur
6 msk. púður­syk­ur
150 ml app­el­sínusafi
3 litl­ir rauðlauk­ar
500 g gul­ræt­ur
750 ml græn­met­is­soð (vatn og 2 græn­metisten­ing­ar)

Aðferð:
1. Gul­ræt­ur flysjaðar og skorn­ar í tvennt til fernt á lengd­ina. Rauðlauk­ur­inn skor­inn í fernt.
2. Græn­metið er soðið í græn­met­is­soðinu, gul­ræt­urn­ar í um það bil sex mín­út­ur og lauk­ur­inn þrjár mín­út­ur.
3. Á meðan er app­el­sínusafa og púður­sykri blandað sam­an og hrært.
4. Græn­metið sigtað frá soðinu og sett á plötu, þá er púður­syk­urs­blönd­unni hellt yfir og græn­metið bakað í ofni á 200°C í 15 mín­út­ur, velt vel upp úr púður­syk­urs­blönd­unni 1-2 sinn­um á bök­un­ar­tím­an­um.

Kremaður maís með spínati
500 g frosin maískorn–affryst
250 g spínat
80 g smjör
40 g hveiti
250 ml rjómi
Salt
Hvítlaukspipar
Olía

Aðferð:
1. Maískornin steikt á pönnu upp úr smá olíu í u.þ.b. 3 mínútur, þá er spínatinu bætt út á pönnuna og kryddað með salti og hvítlaukspipar.
2. Í öðrum potti er smjörið brætt við meðalhita og síðan hveiti bætt út í hrært vel.
3. Þá er rjómanum bætt út í smá saman þar til blandan þykknar vel, passa þarf að hræra mjög reglulega þar sem þetta brennur mjög auðveldlega við.
4. Síðast er maís og spínati hrært saman við sósuna og borið fram heitt.

Sætar fetaostskartöflur
600 g sætar kartöflur
1 krukka salatostur
3 greinar rósmarín
Salt

 Aðferð:
1. Sætu kartöflurnar flysjaðar og skornar í jafna bita og settar í eldfast mót.
2. Um það bil helmingnum af olíunni af ostinum hellt yfir kartöflurnar, þær saltaðar og rósmaríngreinarnar settar með.
3. Bakað á 200°C í um það bil 30 mínútur, þá er ostinum bætt við, hrært í kartöflunum og bakað í 10 mínútur í viðbót.
4. Rósmaríngreinarnar eru síðan teknar upp úr fatinu áður en kartöflurnar eru bornar fram.
5. Bökunartíminn getur verið misjafn eftir því hve stórir bitarnir eru.

Rósakál með brúnuðu smjöri og gúmmelaði
500 g rósakál
2 litlir rauðlaukar
Olía
Salt og pipar
80 g smjör
40 g möndluflögur
40 g trönuber sítrónusafi

Aðferð:
1. Botninn skorinn af rósakálinu og það síðan skorið í helminga, laukurinn skorinn í lauf.
2. Rósakáli og rauðlauk blandað saman með olíunni og salti og pipar.
3. Síðan bakað í ofni á 200°C í um það bil 20 mínútur.
4. Meðan rósakálið er í ofninum er smjörið sett í pott og brætt á miðlungshita þar til það fer að freyða, þá er möndluflögunum bætt út í og hrært vel í um það bil þrjár mínútur þar til möndlur og smjör eru orðin gullinbrún.
5. Þá er trönuberjunum bætt út í smjörblönduna.
6. Þegar rósakálið er tilbúið er smjörblöndunni hellt yfir og blandað vel saman, smakkað til með sítrónusafa og salti.