18. Maí 2026

Reyktur lax með epla- og piparrótarsalati

Þessi laxa-smørre sameinar reyktan lax, ferskt epla- og piparrótarsalat og stökkt grænmeti í einstaklega ferska og bragðmikla sneið. Fullkomin sem léttur réttur eða fallegur forréttur með norrænum áhrifum.

Epla- & piparrótarsalat
100g piparrótarpaste
1–2 msk flórsykur
Sítrónusafi eftir smekk
1 tsk dijon
1 grænt epli, skorið í litla teninga

Aðferð
Þeytið rjómann vel þannig að hann geti staðið ofan á brauðinu. Bætið sítrónusafa, piparrót og dijon út í og hrærið með sleif. Í lokin er eplabitunum bætt út í og þeim hrært varlega saman við rjómann.

Samsetning fyrir Laxa-smørre

Hráefni:
Epla- & piparrótarsalat
Reyktur lax, sneiddur
2–3 stangir sellerí
Nokkrar radísur
Fersk piparrót
Kavíar (má sleppa)
Ferskt dill (má sleppa)

Aðferð
Sellerí og radísur eru skornar þunnt niður með japanskri mandólín og lagt í klakavatn til að það krullist upp og stífni.

Samsetning
Smyrjið brauðið með smjöri og leggið salatblað yfir. Raðið reyktum laxi fallega yfir sneiðina og toppið með eplasalati. Skreytið sneiðina með stökkum sellerí og radísum. Einnig hægt að bæta við fersku dilli og kavíar.