22. Júlí 2026

Hægmeyrnað ribeye með ananas

Það er heilmikið að gerast hjá Hagkaup þessa dagana. Meðal annars er Grillað með Hagkaup í fullum gangi, þar sem Hagkaup, ásamt frábærum samstarfsaðilum sínum, deila fjölbreyttu grillefni á samfélagsmiðlum, allt frá girnilegum uppskriftum og góðum ráðum yfir í skemmtilega stemningu við grillið. Um leið eru landsmenn hvattir til að taka þátt og sýna sitt eigið grillsumar.

Helga Gabríela Sigurðardóttir, matreiðslumaður og smurbrauðsjómfrú, á heiðurinn af grilluppskriftinni sem við deilum hér. Hún hefur einstakt lag á að gera mat aðgengilegan, fallegan og ómótstæðilega freistandi, og það sannast svo sannarlega í þessari uppskrift.

Að þessu sinni tekur hún hægmeyrnað ribeye á næsta stig með grilluðum ananas og fersku chimichurri með lime, jalapeno og kóríander. Útkoman er litrík, sumarleg og full af bragði; réttur sem sameinar einfaldleika og ferskleika á þann hátt sem er orðinn einkennismerki Helgu Gabríelu. Allt hráefnið fær hún í Hagkaup en þessi réttur verður án efa ómissandi á grillinu næstu daga. 

Steikin
Hægmeyrnað ribeye
Holy Cow Beef Rub
Salt og pipar
Smá ólífuolía

Aðferð
Kryddið steikina vel með Holy Cow Beef Rub, salti og pipar og veltið henni upp úr smá ólífuolíu. Grillið eftir smekk. Leyfið steikinni að hvíla í 5–10 mínútur áður en hún er skorin.

Grillaður ananas
1/2 ananas
Smá ólífuolía
1 tsk. hunang
Tajín-krydd eftir smekk

Aðferð
Veltið ananasnum upp úr ólífuolíu, hunangi og tajine-kryddi. Grillið þar til hann er fallega karamellaður og saxið síðan smátt.

Grillað ananas-chimichurri
Grillaði ananasinn
1 búnt kóríander, saxað
1 skalottlaukur, smátt saxaður
1/4–1/2 jalapeno, smátt saxað
Smá jalapeno úr krukku, smátt saxað
1–2 msk. jalapeno-lögur úr krukkunni
Börkur og safi af 1 lime
1 hvítlauksrif, pressað
1 tsk. hunang
1 dl góð ólífuolía
Salt eftir smekk

Aðferð
Blandið öllu saman í skál og smakkið til. Bætið við meira af lime, salti eða jalapeno eftir smekk. Berið ananas-chimichurri fram með nýgrillaðri steik og njótið.

Frétt af matarvef mbl.is