19. Maí 2026
Roast beef Smørrebrød ásamt remúlaði með rjómaosti
Það er eitthvað svo gott við heimagert smørrebrød með fullt af góðu áleggi og meðlæti. Hér eru uppskrift að dýrindis Roast beef smørrebrød, en hægt er að fá sérskorið roast beef í sælkeraborðinu í Hagkaup í Kringlunni.
Samsetning fyrir Roast beef smörre
40g roast beef, sneitt
20g remúlaði
20g súrar gúrkur
3g steiktur laukur
10g rifin piparrót
Aðferð:
Smyrjið rúgbrauðssneiðina með smjöri. Raðið roast beef sneiðunum fallega ofan á sneiðina (stundum gott að hafa salatblað undir). Toppið með heimagerðu remúlaði, súrum gúrkum og rífið vel af piparrót yfir.
Remúlaði með rjómaosti
1 box philadelphia
150g relish
1–2 tsk dijon
1 tsk karrí frá Santa Maria
Sjávarsalt og pipar
Aðferð:
Öllu blandað saman í skál og látið standa inn í kæli í 20 mínútur þar sem remúlaðið fær að “marinerast” en þannig verður það bragðmeira og betra.
Ennbá betra yfir nótt!
Klassískt danskt remúlaði
1 stór gulrót, flysjuð
Lúka af blómkáli
Nokkrar cornichon
1 msk capers
1 tsk karrí
Klípa af Túrmerik
2 tsk dijon-sinnep
lítil krukka mæjónes
Aðferð:
Blómkál og gulrót skorin niður og sýrð í sultulegi við vægan hita í potti. Passa þarf að mauksjóða ekki grænmetið, við viljum hafa bit í því. Sigtið vökvann frá og kælið grænmetið. Fínsaxið/hakkið grænmetið smátt ásamt gúrkum og capers. Þessu er svo blandað saman við majónes ásamt karrí, dijon og túrmeriki fyrir gula litinn. Saltið og piprið eftir smekk.
