5. Október 2026
Skyrskál með berjum
Það er svo einfalt og gott að útbúa skyrskál heima hjá sér því þá getur maður sett eins mikið af toppings og því sem manni þykir gott á hana! Berglind hjá Gotterí og gersemum útbjó þessa fallegu skyrskál og gerir hana reglulega þegar stelpurnar hennar koma heim úr skólanum og sem síðdegissnarl. Stundum skiptir hún þessu niður í fleiri og minni skálar svo þið getið haft þetta alveg eins og ykkur hentar!
Uppskrift dugar í 3-4 skálar
- 1 poki Salling frosin ber (blönduð)
- 1 poki Salling frosin jarðarber
- 3 msk. vanillumjólk
- 1 x stór vanillu KEA skyrdós
- Salling granóla að eigin vali
- Salling hnetusmjör gróft
- Salling döðlur
- Jarðarber + bláber
- Kókosflögur
- Suðusúkkulaði
Saxið niður suðusúkkulaði (um 20 g) ásamt því að skera niður döðlur, jarðarber og taka allt hráefni til. Setjið báða pokana af frosnu berjunum í blandarann ásamt vanillumjólk. Blandið vel saman, það þarf að stoppa og skafa niður nokkrum sinnum niður á milli þar til slétt og þykk ávaxtablanda myndast. Raðið saman skálinni ykkar: Vanilluskyr í botninn, ávaxtablanda yfir og svo allt hitt eins og hugurinn girnist.
