11. Nóvember 2026

Stóri Láru og Ljónsa dagurinn í Hagkaup Smáralind!

Það verður sannkölluð fjölskyldustemning í Smáralind laugardaginn 14. nóvember kl. 13:00 þegar Birgitta Haukdal og Ljónsi úr Þjóðleikhúsinu mæta í heimsókn fyrir framan Hagkaup og bjóða upp á skemmtilega stund fyrir alla fjölskylduna!

Birgitta og Ljónsi ætla að syngja, gleðja og skemmta börnunum ásamt jólaálfunum Sögu Júlíu og Esju. Auk þess verður spennandi leynigestur á svæðinu sem mun án efa gleðja unga sem aldna!

Það verður nóg um dýrðir því boðið verður upp á kókómjólk, Stjörnupopp, kandífloss og skemmtilegar gjafir á meðan birgðir endast.

Nýjar Láru- og Atlabækur á sérstöku kynningarverði! 📚

Birgitta mun einnig hitta gesti, spjalla og árita nýjustu bækurnar sínar, Lára fer á skauta og Atli fer til tannlæknis, sem verða á sérstöku kynningarverði í tilefni dagsins.

Við hvetjum allar fjölskyldur til að taka daginn frá og koma í notalega og skemmtilega stund með okkur.

Hvar: Fyrir framan Hagkaup í Smáralind

Hvenær: Laugardaginn 14. nóvember kl. 13:00

Tónlist, gleði, góðgæti og skemmtun fyrir alla fjölskylduna!

Við hlökkum til að sjá ykkur!