23. September 2026

Súrdeigssnittur með burrata og nektarínum

Berglind sem er með síðuna Gotterí og gersemar segist alveg elska nýbökuðu súrdeigsbrauðin sem fást í bakaríinu í Hagkaup! Þau eru bökuð daglega og eru svooooo góð!

Hér hafið þið undursamlega útgáfu af snittum en hugmyndina sá ég hjá Halfbaked Harvest en ég elska einmitt uppskriftirnar hennar!

Uppskrift gefur 8 snittur
4 sneiðar nýbakað súrdeigsbrauð frá Hagkaup
30 g parmesanostur (rifinn)
30 g Primadonna ostur (rifinn)
3 hvítlauksrif (rifin)
60 g smjör (brætt) + 1 msk
6 hráskinkusneiðar
1 askja klettasalat frá Vaxa
2 nektarínur
1 msk. hunang
Chilli hunang eftir smekk
3 x stór burrata kúla (eða 6 minni)
Basilika til skrauts
Salt + pipar

Byrjið á því að hita ofninn í 200°C og setjið bökunarpappír í ofnskúffu. Rífið báðar tegundir af osti á pappírinn, einnig hvítlauksrifin og setjið um 2 msk. af brædda smjörinu yfir og blandið öllu saman og dreifið jafnt úr. Skerið brauðsneiðarnar í tvennt og leggið ofan á ostinn á bökunarpappírnum, setjið síðan smá af smjöri yfir hverja sneið.

Slítið hráskinkuna aðeins í sundur og setjið á milli brauðsneiðanna og í kringum þær og bakið síðan allt saman í um 12 mínútur. Skerið á meðan nektarínurnar í sneiðar og steikið upp úr 1 msk. af smjöri, saltið og piprið og setjið 1 msk. af hunangi saman við í lokin.

Þegar brauðið er tilbúið má rífa niður burrata ost á hverja sneið, setja smá klettasalat, hráskinku og chilli hunang. Toppið loks með basilikulaufum.

Þetta klassíska hentaði vel fyrir þessar snittur en mitt uppáhald er súrdegisbrauðið með jalapeno og döðlum, það er eitthvað annað gott!