2. Júlí 2025
Snyrtivörur á Tax Free – fullkomnar í snyrtitöskuna
Er sumarfríið handan við hornið? Þá er aðeins eitt í stöðunni: passa að snyrtivörutaskan sé fullkomlega tilbúin fyrir sól, slökun og sumar. Hvort sem þú ert að fara út í sólina, útilegu innanlands, borgarferð eða ætlar að vera í sumarstemningu heima, þá er gott að vera vel undirbúin með góðan grunn í snyrtitöskunni.
Það er því skemmtilegt frá því að segja að það eru einmitt Tax Free* dagar í Hagkaup, dagana 3.–9. júlí, sem er tilvalið tækifæri til að næla sér í allt það sem þarf – hvort sem er til þess að næra húðina eða fullkomna förðunina. Hér að neðan eru nokkrar snyrtivörur sem eru algjörlega þess virði að setja í innkaupakörfuna, sérstaklega á afslætti – og taka með sér í sumarfríið.
Erborian – CC Red Correct
Ef húðin þín er stundum viðkvæm, rauðleit eða á erfitt með að aðlaga sig að hitabreytingum, þá er CC Red Correct frá Erborian algjör leikbreytir. Þetta er kóresk húðumhirða í sinni tærustu mynd – margnota formúla sem sameinar húðbætandi eiginleika og létta förðun í einni túpu. Við fyrstu sýn virkar formúlan græn, en það er einmitt galdurinn. Grænu litarefnin vinna gegn roða, á meðan örsmá litahylki aðlagast þínum húðlit og veita jafna og náttúrulega áferð – alveg án þess að skilja eftir sig grænan tón.
Formúlan er létt, rakagefandi og ljómandi – og toppuð með SPF 25, sem gerir hana fullkomna fyrir ferðalagið. Vöruna er hægt að nota vöruna eina og sér eða undir farða. Algjör snilld fyrir jafnari húðlit.
Clarins - Bronzing powder Summer Collection
Það er fátt sem segir sumar jafn skýrt og fallegur sólkysstur ljómi á húðinni – og Clarins Bronzing Powder Summer Collection fangar einmitt þessa tilfinningu. Sumarútgáfan kemur árlega í takmörkuðu upplagi og er ákveðin sumarboði snyrtivöru unnandans. Formúlan er silkimjúk og mött áferðin blandast fallega við húðina og skilur eftir sig náttúrulegan sólkysstan ljóma.
Clarins kann sína plöntufræði, og þessi formúla er engin undantekning – hún inniheldur nærandi plöntuþykkni sem mýkir húðina á meðan þú ljómar eins og þú hafir verið í sólinni. Fullkomið fyrir í snyrtibudduna fyrir sumarið – eða bara til að setja punktinn yfir i-ið á förðun dagsins.
Biotherm – Aquasreen UV daily SPF 50
Sólin er yndisleg – en húðin þarf sannarlega á vörn að halda gegn geislum hennar. Biotherm Aquascreen SPF 50+ er sólvarnarvöran sem hentar vel sama hvort þú sért á hlaupum, hjólandi eða bara að njóta dagsins í góðu veðri. Þessi nýjung frá Biotherm er hönnuð sérstaklega fyrir virkan lífsstíl og gefur húðinni mjög háa UVA/UVB vörn með virkilega léttri formúlu.
Formúlan er fitulaus, smýgur auðveldlega inn í húðina og skilur ekkert eftir sig nema mjúka tilfinningu og góða vörn. Hún er líka svita- og núningsþolin, sem gerir hana tilvalda fyrir hverskonar æfingar í sólinni. Það vill líka svo heppilega til að allar vörur frá Biotherm eru á 30% afslætti dagana 2.-3. júlí.
Það er svo mikið af spennandi og góðum snyrtivörum fyrir ferðalagið í verslunum okkar að það er um að gera að kíkja við á Tax free* og athuga hvort þú finnir ekki eitthvað sem hentar þér.
