25. Júlí 2025

Frábært VÆB í Hagkaup!

Það var sannkölluð gleðisprengja í Hagkaup í Smáralind á fimmtudag þegar snillingarnir í VÆB mættu á svæðið og sungu nokkur af sínum vinsælustu lögum fyrir gesti og gangandi.

Nú eru margir krakkar í sumarfríi og því var einstaklega skemmtilegt að halda þennan viðburð fyrir krakka og foreldra! Gríðarlegur fjöldi barna mætti til að hitta strákana, syngja og dansa með og næla sér í mynd með sínum uppáhalds poppstjörnum.

„Við höfum verið í frábæru samstarfi við VÆB bræður síðustu mánuði þar sem við höfum gert alls konar skemmtilegt samfélagsmiðlaefni með þeim. Það var því einstaklega gaman að geta boðið viðskiptavinum okkar uppá skemmtilega afþreyingu svona í sumarfríinu“ segir Lilja Gísladóttir sérfræðingur markaðsmála í Hagkaup.

Gleðin skein úr andlitum barnanna og það var ljóst að VÆB-strákarnir slá alltaf í gegn hvar sem þeir koma fram.