8. Maí 2026

Vel heppnuð miðnæturopnun í Kringlunni

Það var sannkölluð hátíðarstemning hjá okkur í Hagkaup Kringlunni í miðnæturopnun í vikunni þegar fjöldi gesta lagði leið sína til okkar og það var einstaklega gaman að sjá svona marga mæta, skapa góða stemningu og eiga skemmtilegan dag með okkur í versluninni.

Mikið líf og fjör var inni í búðinni allt kvöldið þar sem gestir gátu nýtt sér 20% afslátt af öllum snyrtivörum, fatnaði, skóm, leikföngum og búsáhöldum.

Krakkarnir skemmtu sér sérstaklega vel en Íþróttaálfurinn og Solla Stirða mættu á svæðið og vöktu mikla lukku. Latarbæjar-lukkuhjólið var á sínum stað ásamt íþróttanammi og tattoo sem slógu í gegn hjá yngstu gestunum. Haggi okkar kíkti einnig á krakkana og eins og alltaf vakti það mikla gleði.

Fyrir utan Hagkaup var GOSH með glæsilega förðunarstöð og var Elín Reynisdóttir förðunarfræðingur inn í verslun og veitti ráðgjöf varðandi snyrtivörur og förðun. Gestir fengu tækifæri til að kynna sér vörur betur og njóta ýmissa kynninga og smakks sem voru í boði víðs vegar um verslunina.

Við erum einstaklega þakklát fyrir frábærar móttökur og það var ótrúlega gaman að fá að njóta kvöldsins með öllum þeim sem komu til okkar. Takk kærlega fyrir komuna og fyrir að gera miðnæturopnunina svona skemmtilega.