9. September 2026

Veldu heilsuna!

Þegar við í Hagkaup höfðum samband við Kristínu Þóru um að vera andlit Heilsudaga í ár hélt hún að við værum að grínast. Hún segist vera óvæntasti heilsupostuli þegar kemur að hreyfingu og mataræði, en hefur mikið hugsað um andlega heilsu og neyðst til að hlúa að henni.

Um þessar mundir stendur Kristín Þóra á sviði Þjóðleikhússins í sýningunni Á rauðu ljósi, þar sem fjallað er á beinskeyttan og skemmtilegan hátt um stress, streitu, seiglu, aumingjaskap og dugnað. Viðfangsefni sem flest okkar tengja við.

„Það skiptir svo miklu máli að líða vel og finna að maður ráði við dagana, líka þá daga sem manni líður ekki vel,“ segir Kristín, sem hefur þurft að læra að hlúa að eigin andlegu heilsu og finnst það skipta gríðarlega miklu máli.

Heilsan er nefnilega ekki bara það sem við borðum eða hversu oft við förum í ræktina. Hún snýst líka um hvernig okkur líður, fólkið í kringum okkur og það sem veitir okkur gleði.

Á Heilsudögum í Hagkaup í ár viljum við einmitt leggja áherslu á það, að hlúa að heilsunni og velja það sem hentar þér hverju sinni.

Fyrir suma er það hlaupatúr eða góð æfing. Fyrir aðra er það rólegur göngutúr, góður matur, svefn eða einfaldlega tími með fólkinu sínu.

Af hverju ekki að sameina þetta? Hittast í göngutúr, fara saman í ræktina, hlæja, dansa, spila eða gera eitthvað sem ykkur finnst skemmtilegt. Samvera getur verið góð fyrir bæði líkama og sál.

Á Heilsudögum verður mikið úrval af góðum tilboðum á heilsutengdum vörum. Þar á meðal er afsláttur af próteinstykkjum, fæðubótarefnum, vítamínum, kjúklingi og svo mætti lengi telja.

Því heilsa þarf ekki að vera flókin. Hún þarf ekki að snúast um fullkomnun eða strangar reglur. Hún getur einfaldlega snúist um að hlusta á sjálfan sig, finna það sem manni líður vel með og hlúa að sér, einn dag í einu.

Veldu heilsuna og það sem hentar þér hverju sinni.