ELIZABETH ARDEN

Óhætt er að segja að Elizabeth Arden hafi verið goðsagnarkenndur frumkvöðull sem kom á fót ameríska snyrtivöruheiminum eins og við þekkjum hann í dag. Hún fæddist sem Florence Nightingale Graham og ferðaðist frá útjaðri Kanada til New York, þar sem hún opnað fyrstu „Red Door“-snyrtistofuna á Fifth Avenue árið 1910.
Grundvallarviðhorf Elizabeth Arden voru þau að fegurð væri samspil náttúrunnar og vísinda, til að framkalla bestu eiginleika konunnar. Hún lifði eftir möntru sinni; það að vera falleg væri frumburðarréttur hverrar konu.

Elizabeth Arden hannaði húðvörur sem gögnuðust húðinni í stað þess að þekja hana. Hún kynnti ekki aðeins hugmynd sína um alhliða fegurð, þar sem húðvörur, hreyfing og næring komu saman, heldur tileinkaði hún líf sitt við að nálgast húðvörur á vísindalegan máta. Hún var ósveigjanleg í þeirri sýn sinni að vilja búa til nýjustu og bestu vörurnar ásamt pakkningum og þjónustu sem konur ekki eingöngu þurftu, heldur þráðu; hvort sem um var að ræða hið klassíska Eight Hour Cream, hinn goðsagnarkennda Blue Grass-ilm eða djarfan rauðan varalit sem samræmdist einkennisbúningi kvenna sem þjónuðu í hernum í seinni heimsstyrjöldinni.