TARAMAR hreinsiolían er einstaklega nærandi og mjúk viðkomu. Hún hefur margfalda virkni en samkvæmt virkniprófunum sem voru framkvæmdar af óháðum aðila í Frakklandi þá var húðin orðin mýkri, bjartari og hreinni með meiri ljóma og hærra rakastig strax eftir 28 daga. Eftir 84 daga var húðin almennt komin með mjög fallegt litarhaft metið út frá styrkleika bleikra og ljósbrúnna tóna í húðinni. Hreinsiolían byggir á andoxunareiginleikum þörunga (beltisþari og marinkjarni) og vítamínum úr apríkósukjarnaolíu. Vörurnar frá TARAMAR eru lífvirkar og hafa þá sérstöðu að innihalda engin rotvarnarefni né nein önnur efni sem geta haft neikvæð áhrif á húðina eða innra umhverfi líkamans. Þörungarnir og lækningajurtirnar koma frá lífrænt vottuðum svæðum í Breiðafirði og á Austfjörðum og öll önnur meginefni, s.s. olíurnar, eru af mjög háum gæðum og lífrænt vottuð. Purifying Treatment fékk gullverðlaun sem besta hreinsiolían hja Global Makeup Awards 2020.

Hvernig á að nota hreinsiolíuna: Gott er að koma sér upp kvöldrútínu og ekki er verra að hafa smá tíma til að slaka vel á og njóta áhrifanna og hinna undursamlegu náttúruilma sem vörurnar bjóða upp á. Ilmarnir einir og sér get lyft þreyttri sál og undirbúið hana fyrir svefninn. Hreinsun með Purifying olíunni felur bæði í sér djúphreinsun á húðinni og hreinsun á yfirborði um leið og olían hefur mögnuð afoxandi og húðstyrkjandi áhrif (sjá umfjöllun um virkniprófanir). Olían er mjög góð til að fjarlægja farða og hún sýgur upp maska og farða og skilur húðina eftir hreina og mjúka. Purifying olían er afburða hrein og hefur engin ertandi áhrif. Því er í lagi þó hún berist í augun og einnig óhætt að nota hana á barnahúð. Það getur komið sér vel ef litlir puttar komast í snyrtitöskuna. Við notkun þá er best er að pumpa smá olíu í lófann og bera hana svo á andlitið með fingrunum og nota hringlaga hreyfingar. Finna má að olían þykknar aðeins þegar henni er nuddað létt inn í húðina. Olíublandan hefur mikla getu til að draga út óhreinindi úr húðinni um leið og hún hefur mikil andoxandi og styrkjandi áhrif. Því er gott að leyfa henni að sitja á í smá stund (1-2 mínútur) áður en hún er strokin af með þvottapoka sem hefur verið bleyttur með volgu vatni. Sumir kjósa að láta olíuna sitja á yfir nótt og það kemur vel út fyrir þurra og/eða órólega húð. Best er þá að strjúka fyrst olíuna og óhreinindin af og setja svo olíuna á aftur fyrir nóttina.

INNIHALDSEFNI Prunus Armeniaca Kernel Oil, Alaria Esculenta Extract*, Angelica Archangelica Extract, Squalene, Di-PPG-2 Myreth-10 Adipate, Algae Oil, Tocopherol, Helianthus Annuus Seed Oil, Agonis Fragrans Branch/Leaf Oil, limonene, linalool Organically certified, Pure wild source, * Natural component of essential oils