1. Október 2026
Hagkaup styður Bleiku slaufuna
Hagkaup hefur um árabil stutt við Bleiku slaufuna og tekið virkan þátt í árlegu átaki Krabbameinsfélagsins. Bleika slaufan hefur verið til sölu í verslunum Hagkaups um árabil og verður að sjálfsögðu fáanleg hjá okkur í ár.
Líkt og undanfarin ár viljum við einnig gefa viðskiptavinum okkar tækifæri til að leggja söfnuninni lið með okkur.
Dagana 1.–8. október fer fram söfnun fyrir Krabbameinsfélagið á sjálfsafgreiðslukössum Hagkaups.
Viðskiptavinum gefst tækifæri til að bæta 500 krónum við innkaupin sín sem renna beint til átaksins og Hagkaup bætir einnig við þá upphæð.
„Við hjá Hagkaup erum stolt af því að hafa stutt Bleiku slaufuna um árabil. Það er alltaf ánægjulegt að sjá hversu vel viðskiptavinir okkar taka í söfnunina og saman getum við látið gott af okkur leiða. Við hvetjum alla sem eiga leið til okkar dagana 1.–8. október til að taka þátt með okkur,“ segir Sigurður Reynaldsson, framkvæmdastjóri Hagkaups.
Að söfnun lokinni afhendum við Krabbameinsfélaginu heildarupphæðina og þökkum viðskiptavinum okkar kærlega fyrir að taka þátt og leggja þessu mikilvæga málefni lið.
Tökum höndum saman fyrir Bleiku slaufuna.
