20. Júlí 2026

Sumarleg steikarskál sem þið verðið að prófa

„Þessa steikarskál verðið þið að prófa,“ segir Rakel María Hjaltadóttir, líkamsræktarþjálfari og ofurhlaupari, sem hefur vakið athygli fyrir matarmyndbönd á samfélagsmiðlum. Smelltu hér til að sjá myndbandið.

Í herferðinni Grillað með Hagkaup sýnir hún rétt sem sameinar einfaldleika, gæði og gott bragð.

„Kartöflurnar í þessum rétti eru gullinbrúnar og stökkar, nautið eldað á fullkominn hátt og sósan þykk og djúsí. Útkoman er steikarskál sem er falleg á borði og hentar vel á grillkvöldum þegar mann langar í eitthvað extra gott án mikillar fyrirhafnar,“ segir hún.

Nautalund
1 stk. nautalund, marineruð í Black Garlic-kryddlegi

Aðferð
Grillið nautalundina að vild þar til hún er fallega brúnuð að utan og fullkomlega elduð að innan. Látið kjötið hvíla áður en það er skorið í sneiðar.

Kryddkartöflur
Forsoðnar kartöflur í kryddsmjöri
Paprikukrydd eftir smekk
Parmesanostur eftir smekk

Aðferð
Setjið kartöflurnar á bökunarplötu. Kryddið vel með paprikukryddi og kremjið þær létt með glasi. Stráið meira paprikukryddi yfir ásamt parmesanosti. Bakið í 200 °C heitum ofni í um 20 mínútur eða þar til þær verða gullinbrúnar og stökkar.

Salat
Avókadó
Rauðlaukur
Kirsuberjatómatar
Paprika
Maís
Gúrka
Safi úr 1/2 sítrónu
Salt og pipar

Aðferð
Skerið allt hráefnið smátt niður og blandið saman í skál. Kryddið með sítrónusafa, salti og pipar.

Sósan
3–4 kúfaðar msk. grísk jógúrt
1/2 ostakubbur
2 hvítlauksrif
Graslaukur eftir smekk
1–2 msk. Dijon-sinnep
Safi úr 1/2 sítrónu
Salt og pipar

Aðferð
Setjið allt hráefnið í matvinnsluvél og blandið þar til sósan er orðin mjúk og samfelld. Hún má vera frekar þykk og djúsí, en best er að smakka sig áfram og stilla bragðið til eftir eigin smekk.

Framreiðsla
Setjið salat í skál, bætið við kryddkartöflum og sneiðum af nautalund. Toppið með ríkulegu magni af sósu, smá graslauk og parmesanosti.